Калтаса ужара
+2 °С
Пылан
Все новости
11 шорыкйол 2020, 13:05

Шорыкйол нерген пале-влак

Шорыкйол – марий калыкын ик эн ойыртемалтше пайремже. Тудын юзо вийже уло. Ял пуйто «кынелеш» – кажне суртышто чесым погат, тутло вийым ямдылат. Мелна, колгыльо, руаш гыч ыштыме тыгыде пӱкш, пура – чыла тиде кочкыш шке ешлан да уналан толшо Васлий Кува-кугыза-влаклан.Шорыкйол пайрем дене кылдалтше икмыняр пале-влак дене палдарена.

  • Шорыкйол Юмо деч сурт кӧргыштӧ улан илыш, вӱта тич вольык, утларакшым шорык, лийышт манын йодыныт.
  • Пайрем эрдене ондак кынелат – чулым да куштылго могыран лият.
  • Тыгак эрдене пакчашке лектын, лум каваным ыштеныт. Кунар каван шукырак, тунар илышетлан куштылго, сай лиеш.
  • Пакчаште саска, пасушто шурно ток шочышт манын, шудо каван гай койшо лум курыкым ыштеныт. Курык чотдымо лийшаш.
  • Игечым шекланен, тыгай пале-влак шочыныт: шорыкйол каваным лум петыра гын, кинде шочеш.
  • Шорыкйол кечын луман лиеш – пакчасаска шочеш.
  • Шорыкйол арнян сонарыш кошташ огеш лий. Лач ты жапыште пӱртӱс ава янлык-влакым чотрак арала, садлан нуным лӱйымаш – кугу сулык.
  • Шорыкйол кечын поран ӱштеш гын, мӱкш еш кугу лиеш.
  • Ты арняште каваште шуко шӱдырым ужат гын, ий мучко поян лият.
  • Шорыкйол арнян шӱдыр шуко, чӱчкыдын лум лумеш але пушеҥге пӧршаҥеш гын, шурно лектыш куандара.

    • ©1932 - 2024, Общественно- политическая газета Калтасинского района, учреждена Агенством по печати и средствам массовой информации Республики Башкортостан и ГУП РБ Издательский Дом "Республика Башкортостан"

    Свидетельство о регистрации ПИ №ТУ02-01404 от 18 августа 2015 года. Главный редактор Акиев Виталий Аксяевич
    Телефон
    8(34779) 4-12-50
    Электрон почто
    Адрес
    РБ, Калтасинский район, с.Калтасы, улица Пионерская, 7
    Рекламе пӧлка
    8(34779) 4-12-22
    Редакций
    8(34779) 4-12-44
    Приемный
    -
    Пырля ыштымаш
    8(34779) 4-11-95
    Кадр пӧлка
    8(34779) 4-12-22
    Яндекс.Метрика