Калтаса ужара
+29 °С
Пылан
Все новости
26 Сӱрем 2020, 23:00

Предприниматель Ильдар Хузин илышыште шке вержым муын манын каласаш лиеш

Илышыштем чыла сай манын, чыланат огыл моктанен каласен кертыт. Тыгай икгай сур кече-влак мемнан шернам темат. А теве Ильдар Гайданиевич Хузинын паша кечыже тыге ок эрте. Тудо шке илышыжым туге моштен чоҥен, тудын деч эре сай кумылым, пайдалыкым шкаланже да йыр илыше еҥ-влакат налын кертыт. Шкежат пашам тыршен ышта.

Илышыштем чыла сай манын, чыланат огыл моктанен каласен кертыт. Тыгай икгай сур кече-влак мемнан шернам темат. А теве Ильдар Гайданиевич Хузинын паша кечыже тыге ок эрте. Тудо шке илышыжым туге моштен чоҥен, тудын деч эре сай кумылым, пайдалыкым шкаланже да йыр илыше еҥ-влакат налын кертыт. Шкежат пашам тыршен ышта.
Районышто Ильдар Гайданиевичым «Фаворит-авто» лӱман эн кугу автосервисын озаже семын сай палат. Тыгак Краснохолмский селаште хоккей командым ыштыше еҥ семын палыме улеш. Тидын дене гына Хузинын пашаже ок мучашлалт. Тудо внедорожник дене автотаҥасымашлаште участвоватла. Шукерте огыл Челябинский областьысе Златоуст гыч толын. Тыште Урал курык ушнымо верлаште таҥасымаш-влак эртеныт. Штурман Азат Гатиятович дене пырля почетан кумшо верым налыныт. Тыгак Ильдар Гайданиевич Краснохолмский ялсоветын депутатше семын чолга мер пашам намия. Пашаште, спортышто, мер илышыште – Ильдар Хузин чылашкыжат етшаш тырша. Сандене йокрокланаш тудын жапше уке.
Хузин Калтаса селаште шочын да кушкын. 1980 ийыште Калтаса кыдалаш школым тунем лектын, вара Нефтекамск олаште 47-ше училищыште электрогазосварщиклан тунемын. Армийыште танк войскаште служитлен. Туге гынат самырык-влак эре иктаж мом уым кычалыт. Тыге Хузин Сибирьыш Усинск олаш каен. Тыште 20 ий илен да специальностьшо почеш тыршен. Йӧратыме паша, еш – чылажат шке черетше дене эртен. Туге гынат шӱм-чонжо тудым шочмо-кушмо элышкыже шупшын. 1997 ийыште шочмо элыш толаш лийыныт. Сибирь садыгак чонлан лишыл кундемыш савырнен огыл.
– 90-ше ийлаште пӱтынь элыште пудыранчык жап лийын, – шарналта Ильдар Гайданиевич. – Краснохолмский селаште, тышке еш дене илаш толын, шӱм-чонлан келшыше пашам муын огыл. А илаш, пашам ышташ кӱлын. Торгайымаш пашам тӱҥалын, тӱҥалтыште пазарыште торгайыме верлам налын, вара оксам чумырен «Фаворит» продукт кевытым почын.
Торгайымаш уда огыл парышым пуэн, туге гынат ты пашаште гына Ильдар Гайданиевич чарнен огыл.
– Мый эре техникым, автомашинам йӧратенам, – ойла Хузин. – Двигатель-влакым кӧргынчаш йӧратенам, шке автомашинам эре олмыктенам. Тыге шке йӧратыме пашамым илышыш шыҥдараш тыршенам. 2010 ийыште яра шогышо зданийым нальым, командым чумырышым да автосервисым почым. Автосервисым почмо икымше кече гычак мый денем пырля Азат Гатиятов, Денис Климанов, Валерий Михалев, Филюс Васильев, Александр Белов пашам ыштат. Кызыт коллективыште 14 еҥ. Тӱҥ составше тугаяк кодеш, лач нунын пашаш деч ты предприятий кучалтеш. Торгайымаш пашам мыйын пелашем – Сария Ангамовна намия. Тудак бухгалтер пашам шукта. А мый, пӱтынек автосервис пашам намием. Кызыт автомашинам олмыктымо чыла услугым ончыктена. Кузовым олмыктена, шиномонтаж, диагностикым эртарена. Ме автомашина-влакым гына олмыктена. Шукерте огыл, мутлан, Янаул районысо администраций мыланна тичмаш танкым олмыкташ конден. Мыланем гын, танкистлан, тиде кугу чап лийын, армийысе рвезе годсо жапым шарналтышым. Олмыктышна ме тудым, чиялтышна. Пуйто кызыт гына конвейер гыч луктыныт. Тудо Янаул районышто Сыҥымаш паркым сӧрастараш тӱҥалеш.
2012 ийыште автосервисын коллективше Краснохолмский селаште хоккей коробкым олмыктен да командым организоватлен. Ты командыш нуно шкеат пурат.
– Мый мемнан элыште хоккей спортын ик эн кумдан палыме видше лийме годым кушкынам, – ойла Ильдар Гайданиевич. – Харламов, Петров, Михайлов мемнан кумирна лийыныт. Кажне ялыште ту жапыште шке командыже лийын. Краснохолмский селаште хоккейым угыч нӧлталме шонымашым мыйын йолташем-влак поддержатлышт. Решитлышна – ыштышна. Тӱҥалтыште ме шке модына ыле. А вара мыйын тыршымем дене шуко функциян хоккей коробкым оборудоватлышна. Тышке икшыве-влакат толаш тӱҥальыч. Кызыт селаште кум хоккей команде уло.
Йоча хоккей лигыште модына, рвезе тукым, тыгак «Фаворит 40+» команде уло. Кеҥежымат хоккей дене модаш тыршена, Чекмагушыш ий дворецыш миен толына.
Автосервисын пашаеҥже-влакын пашашт икте. Нуно тыгак эше спортым йӧратат. А тидыже коллективым иктыш уша, пеҥгыдемда. Ильдар Гайданиевич кажне пашаеҥже нерген лач порын гына ойла.
– Тыште шке пашаштым сай палыше мастер-влак тыршат, – ойла тудо. – Мый кажныж нерген лач порым гына каласен кертам, шке пашаштым удан огыл шуктат, клиент-влак сай кумыл дене каят. Автомашина-влакым сай олмыкташ тыршена.
Ю. Шамсутдинов.