Мыйын кочам – герой

«Кугу Отечественный сар пытыме деч вара 75 ий эртен, но тудын нерген шарнымаш еҥ-влакын шӱм-чоныштышт кызытат ила, тудо келге кышам коден.

Мыйын кугезе кочам Гайнанов Гильман Гайнанович, 1913 ийыште шочын, Кугу Отечественный сарын ветеранже, 2-шо группа инвалид, 1991 ий 8 апрельыште ош тӱня дене чеверласен.

Тудым 1940 ийыште армийыш налыныт. Кок гана сусырген, Берлин марте шуын да мӧҥгыжӧ 1945 ий 6 декабрьыште пӧртылын. Авамын ойлымаж гыч, тудо сар нерген чӱчкыдын шарналтен ойлен, а тале кредалмаш, йолташыже, кредалме пасулаште шке вуйыштым пыштыше салтак-влак нерген ойлымыж годым шинчавӱдшӧ лектын. А эше авамын мутшо почеш, кугезе коча эре ик мутым ойлен: «Сар гына ынже лий!». Мый кугезе кочам дене кугешнем. Ме тудын медаль да орден-влак дене пиджакшым аралена. Тыште «Йошкар шӱдыр» орден, «За взятие Будапешта», За взятие Вены», «За победу над Германией» медаль-влак, «Отечественная война» орден, «50 лет Вооруженных сил СССР», «30 лет Победы в Великой Отечественной войне 1941-1945 гг.», «60 лет Вооруженных сил СССР», «30 лет Победы в Великой Отечественной войне 1941-1945 гг.», «70 лет Вооруженных сил СССР» медаль-влак улыт.

Чаманен каласаш логалеш, чыла огыл награде аралалт кодын. Авамын мутшо почеш, икмыняр медальже йомын, нунат ты боевой награде-влакым онченыт. Мый кугезе кочамын лӱддымылыкшӧ да патырлыкше дене кугешнем, тыныс кавам да илышым пӧлеклымыжлан шӱм гыч лекше таум ойлем».