+17 °С
Пылан
Все новости
Кожлаял гыч вич иза-шольо Исекеевмыт сарыште кредалыныт
Исекеевмыт ешыште вич эрге да ик ӱдыр кушкыныт. Кугыракышт Ишимбай ден Искибай сар тӱҥалме деч ончыч Келтей МТС-те тракторист лийын тыршеныт. Ишимбай сарыште увер деч посна йомын, Искибай танкист лийын. Ик кредалмаште тудын танкышкыже снаряд логалын. Фронт гыч нелын сусыргышо пӧртылан да 30 ияш ош тӱня дене чеверласен.
Итусь, 1916 ийыште шочын, Краснокам педучилищым тунем лектын, паша деч кӱрылтде Казань оласе университетыште тунемын. Сар деч ончыч Татар АССР-те пашам ыштен. Сталинград верч кредалмаште 1942 ий июльышто колен.
Александр, 1924 ийыште шочын, сар деч ончыч колхозышто ветеринар лийын тыршен, ик жап гыч тудымат фронтыш налыныт. Кавалерийыште кредалын. 1944 ий 30 июньышто колен. Алексей, эн изи эрге, 1927 ийыште шочын. 1940 ийыште Краснокам педучилищым тунем пытарен. Тиде ийынак тудым Йошкар Армий радамыш налыныт. Владивостокышто младший политпашаеҥ-влакын курсыштым тунем лектын. 1942 ий июль гыч Дальний Востокышто Йошкар Армийын политпашаеҥже лийын тыршаш тӱҥалын.
Алексей Исекеев Западный фронтыш рото-влакым формироватлен да колтен, южгунам шкежат салтак-влакым кӱлеш вер марте ужатен миен.
1945 ий август-сентябрьыште япон-влак ваштареш кредалын, Дуньхуа, Харбин ола-влакым утарымаште участвоватлен. Сар пытыме нерген Пхеньян олаште пален налын. Сар деч вара армийыште служитлаш кодын, подполковник марте шуын. Йошкар Шӱдыр кок орден, I-ше степенян Кугу Отечественный сар орден да ятыр медаль дене палемдалтын.
В. Иванов.
Итусь, 1916 ийыште шочын, Краснокам педучилищым тунем лектын, паша деч кӱрылтде Казань оласе университетыште тунемын. Сар деч ончыч Татар АССР-те пашам ыштен. Сталинград верч кредалмаште 1942 ий июльышто колен.
Александр, 1924 ийыште шочын, сар деч ончыч колхозышто ветеринар лийын тыршен, ик жап гыч тудымат фронтыш налыныт. Кавалерийыште кредалын. 1944 ий 30 июньышто колен. Алексей, эн изи эрге, 1927 ийыште шочын. 1940 ийыште Краснокам педучилищым тунем пытарен. Тиде ийынак тудым Йошкар Армий радамыш налыныт. Владивостокышто младший политпашаеҥ-влакын курсыштым тунем лектын. 1942 ий июль гыч Дальний Востокышто Йошкар Армийын политпашаеҥже лийын тыршаш тӱҥалын.
Алексей Исекеев Западный фронтыш рото-влакым формироватлен да колтен, южгунам шкежат салтак-влакым кӱлеш вер марте ужатен миен.
1945 ий август-сентябрьыште япон-влак ваштареш кредалын, Дуньхуа, Харбин ола-влакым утарымаште участвоватлен. Сар пытыме нерген Пхеньян олаште пален налын. Сар деч вара армийыште служитлаш кодын, подполковник марте шуын. Йошкар Шӱдыр кок орден, I-ше степенян Кугу Отечественный сар орден да ятыр медаль дене палемдалтын.
В. Иванов.
©1932 - 2024, Общественно- политическая газета Калтасинского района, учреждена Агенством по печати и средствам массовой информации Республики Башкортостан и ГУП РБ Издательский Дом "Республика Башкортостан"
Свидетельство о регистрации ПИ №ТУ02-01404 от 18 августа 2015 года. Главный редактор Акиев Виталий Аксяевич
Телефон
8(34779) 4-12-50
Электрон почто
Адрес
РБ, Калтасинский район, с.Калтасы, улица Пионерская, 7
Рекламе пӧлка
8(34779) 4-12-22
Редакций
8(34779) 4-12-44
Приемный
-
Пырля ыштымаш
8(34779) 4-11-95
Кадр пӧлка
8(34779) 4-12-22