У тунемме ий тўҥалме деч ончыч, 13 август гыч 14 сентябрь марте Калтаса район территорийыште «Сак лийза – йоча-влак!» профилактике операций эрта

У тунемме ий тўҥалме деч ончыч, 13 август гыч 14 сентябрь марте Калтаса район территорийыште «Сак лийза – йоча-влак!» профилактике операций эрта. Операций годым, водитель-влакын корно правилым шуктен толмыштым текшырыме рейд-влак эрташ тўҥалыт. Корнышто йоча-влак шагалрак эмганышт манын, чыла тиде мероприятий эртаралтеш.

2017 ийын 6 тылзе жапыште Башкортостан Республике территорийыште 178 ДТП лийын, тыште 16 ияш марте икшыве-влак участвоватленыт. Тидын годым корно туткарыште 10 йоча колен, 185 эмганен. Тиде жапыштак Калтаса район территорийыште 7 ДТП лийын, тыште 4 еҥ колен, 8 эмганен. Йоча-влак дене кок ДТП лийын. Тыгодым 1 икшыве колен да икте эмганен.

Тыге, 2 августышто. Кубакаев ден Южный корнывожышто Калтаса селаште илыше 61 ияш пӧръеҥ «Нива» автомашинам виктарышыла велосипед дене кудалше 8 ияш ўдыр деке миен кўзен да аварий вер гыч шылын. ™дырым, Калтаса эмлымверыш наҥгайыме.

Корнышто икшыве-шамыч дене кылдалтше нимогай туткар ынже лий манын, поснак водитель-влак тўткӧ лийшаш улыт. Вет йочан койышыжым корнышто умыландарен мошташ огеш лий. Кугу скорость дене кудалман огыл да «Руль воктене йўшӧ водитель-преступник» шомакымат мондыман да йўшӧ вуя нигунамат руль воктек шичман огыл.

Пагалыме ача-ава-влак! Корнышто коштмо правил-влакым шуктен толза да тидлан йочада-влакымат туныктыза.