Качкинтурай ял гыч юбиляр-влак

Илалше е‰-влаклан лўмдалтше районышто эртарыме пайрем мероприятийыште шуко ий пырля келшен илыше еш-влакымат чапландареныт. Нунын коклаште Качкинтурай ял гычат еш-влак лийыныт.

Вате-марий Салимзян Шайматович ден Назия Минниахметовна Шайматовмыт пырля келшен, икте-весым пагален да йєратен кудло ий пырля илат.

Раким Бакирбаевич ден Елизавета Шайсламовна Ахметшинмыт, Павел Сайфутдинович ден Рауза Салиховна Баутдиновмыт – витле ий. Нунын илыш корнышт, еш илышышт самырык е‰-влаклан пример лийын кодшаш улыт.

60 ий ваш келшен илат вате-марий Шайматовмыт. Таче марте нуно икте-весыштым аклат да пагалат. Салимзян Шайматович ден Назия Минниахметовна еш пыжашым чумыреныт, ныл икшывым ончен кугемденыт. Кызыт уныка-влакым ончен кушташ полшат. Салимзян Шайматович Качкинтурай ялыште шочын, Назия Минниахметовна Бурай районысо Алтаево ялыште. Ешым чумырымеке, нуно Узбекистаныш илаш каеныт. Тушто пасушто тыршеныт, арбузым погеныт. Узбекистан деч вара нуно Агрыз олашке илаш куснен толыныт. Тушто кўртньыгорнышто тыршеныт. Еш обсоятельствылан кєра шочмо кундемыш пєртылаш логалын. Назия доярке лийын тыршен, Салимзян – скотник. Коктынат ятыр грамот дене палемдалтыныт, пашан ветеранже улыт.

Икшыве-влакат тўрлє вере шаланен пытеныт. Вячеслав эргышт Тюменьыште ила, Лидия ўдырышт Кугу Качак ялыште, школышто пашам ышта. Зульфия ўдырышт Астраханьыште ила. Йоча-шамыч ача-авашт деке толынак коштыт, нунылан полшат. Нуным ончен куштымыштлан кугу таум ойлат.

Ахметшинмыт еш

В. Абдуллин лўмеш уремыште кугу да мотор пєрт шога. Тыште Ахметшинмыт – Раким Бакирбаевич ден Елизавета Шайсламовна илат. Витле ий келшен да икте-весым йєратен илат.

Раким Бакирбаевич 1945 ийыште шочын. Шым ияш улмыж годым ачаж деч посна кодын. Сар деч варасе жапыште шуко икшыван ешыште шочын. Кугу Качак ялысе шымияш школым тунем лектын, вара Эльянысе СПТУ-м, вара салтак радам да 40 ий «Красная Звезда» колхозышто тыршен, пашан ветеранже улеш.

Елизавета Шайсламовна Янаул районысо Няняды ялыште шочын. Марлан лекмекыже, Качкинтурай ялышке илаш кусна. ™мыржє мучко «Красная Звезда» колхозышто тыршен – ушкалым лўштен, презым ончен, моло шала пашам шуктен.

Нуно ныл икшывым ончен кугемденыт. Кызыт кандаш уныкашт, уныкашытын ныл икшывышт куандарат.

Раким Бакирбаевич мўкшым онча, эргыжлан шылым ужалаш полша. Елизавета Шайсламовна уныка-влакым ончаш полша. Нунылан тутло кочкышым ямдыла. Тудо веле «сур» удмурт калык йўышым ямдылен мошта.

Ахметшинмыт еш пашам йєратыше да келшен илыше улеш.

Баутдиновмыт еш

Павел Сайфутдинович Баутдинов Качкинтурай ялыште шочын. Тунем лекме деч вара «Красная Звезда» колхозышто комбайнерын полыкалышыже лийын тыршен. Паша деч кўрылтде Дуванысе ял озанлык техникумыш зоотехниклан тунемаш пурен. Шочмо ялышкыже пєртылын да библиотеке вуйлатыше лийын ышташ тў‰алын.

1978 ий июньышто «Красная Звезда» колхозын профушем вуйлатышыжлан сайлалтын, вара колхозышто экономист лийын тыршен, 1999 ий гыч 2012 ий марте (сулен налме канышыш лекмекыже) Качкинтурай ялысе 4 №-ан комплекс бригадын бригадирже лийын.

Павел Сайфутдинович пашан ветеранже улеш, ик гана веле огыл тудым Чап грамот-влак дене палемденыт.

Роза Салиховна школышто 17 ий тыршен, вара «Красная Звезда» колхозышто презым ончен, моло пашамат шуктен.

Вате ден марий кум ўдырым – Лариса, Эльза, Лира – ончен кугемденыт. Кызыт нуным ныл уныка куандара.

Качкинтурай ялыште Баутдиновмыт ешым чыланат пагалат.

Ю. Шамсутдинов.