Владислав Бикмурзин, кресаньык-фермер озанлык вуйлатыше: – Пашам ышташ неле огыл, но тый пашам сай ыштен моштет манын доказатлаш неле...

Ушештарена, шукерте огыл ™лыл Качмаш ялсоветыште семинар эртыш. Мероприятий годым районысо ялсовет вуйлатыше-влак фермер Владислав Бикмурзинын кресаньык-фермер озанлыкыштыже лийыныт да шке шинчашт дене чыла шотыштат комфортный средам ышташ лиймым ужыныт. Вет ялсовет вуйлатыше-влакын семинарышт лач тидлан лўмдалтын лийын.

Кресаньык-фермер озанлык вуйлатыше Владислав Бикмурзин шуко ойлаш ок йєрате. Ончыч тудо иктаж-могай пашам ышта, вара гына иктаж-мом пелешта. Но тиде гана тудын кутыраш кумылжо ыле. Тидлан амалжат уло. Озанлыкыште уржа-сорла мучашке лишемын. 3500 гектар гыч чапле лектышым налме. Фермерын пырчым да кургым погымо чыла техникыжат телылан аралымашке шогалтыме. Тольык кугу куатан Т-150 ден К-700 трактор-влак веле пасушто тыршеныт, кылмаш куралыныт.

– Эн тў‰жє, – каласыш Владислав Петрович, – ончен куштымо чыла киндым мый сай ак дене ужален кертам манын ўшанем. Пырчым иканаште шуко дене колташ тыршем. Ондалкалыше-влак дене мый пашам ом ыште. Тидын гоч эртенам да тиде мылам сай урок лийын. Партнерем-влак ўшанле улыт. Мыят нуным сай палем да нунат мыйым палат. Палат тыгак, мыйын пырчем ару да кукшо улмыжымат. Пырчым аралашат верем уло. Шурным коштышо агрегат дене ик шагатыште 20 тонн пырчым перерабатыватлаш лиеш. Тыге каласымеке тудо мыланна кинде дене тич темше ангарже-влакым ончыктыш.

Варажым фермер мыланна ончыкылык планже-влак нерген каласыш да кодшийсе историйжым шарналтыш.

– Мый республике кўкшытыштє эртыше комбайнер-влакын конкурсышто участвоватлаш шонен пыштышым, – каласкала тудо. –Уржа-сорла деч вара мый дечем данный-влакым нальыч. Ышт ўшане. Республике гыч комиссий тольо. Кум кече вискалышт, кум кече шотлышт, тышке-тушко коштыч, йы‰гыртыльыч, йодыштыч…

– Кок комбайн дене веле тынаре поген налаш лиеш мо – єрыныт нуно. Мый нунылан лиеш манам. Суткаште 2 шагат малет да 25 шагат пашам ыштет гын лиеш. Икте-весыштым ончальыч да эше ик гана пырче дене склад-влакым тергышт. Неле ыле гынат, мый нунылан тыге пашам ышташ лиеш манын доказатлен се‰ышым. Содыки, «Нива» автомобиль деч ключым Рустем Хамитов мыланем кучыктыш…

Ужмо да колмышко теве эше мом ешараш лиеш. Владислав Бикмурзин уста фермер веле огыл, тыгак тудо шуко социально кўлешан проект ден программылаште участвоватла. Шке пашае‰жылан тудо пєртым чо‰ен шынден, пашам ышташ чыла йєнымат ыштен. А тений тудо спонсор семын Кўшыл Качмаш ялысе Киров уремым тўзаташлан изи огыл оксам ойырен.

…Нєлтшє кумыл дене умбакыже семинар участник-влак Борсык ялыш тарванышт. Мо дене тиде ял уна-влакым єрыктарен – вес номерыште каласкалена.

В. Акиев.