Омо молан эре ик жапыште пыта?

Омыдымылыкын – шке расписанийже. Йўдым але эр велеш эре ик жапыште да эше чўчкыдын помыжалташ тў‰алмыдам шекланеда гын, организмда ала-могай ситыдымаш шотышто пеш серьезный палым пуа.

Пашаже теве кушто: айдеме шке биологический шагатше почеш ила. Тиде расписанийым пўртўс пе‰гыдемден. Жапын кажне йыжы‰ыштыже ала-могай орган-влакын чолга фазышт чўкталтеш, тыгодымак моло орган мыняр-гынат лыплана. Йўдым малаш кўлеш манын, арам огыл ойлат, вет эре вараш кодын возаш гын, организм лушка але иктаж орган начарынрак пашам ышташ тў‰алеш.

Айста шкенам шке диагностироватлен ончена. Китай медициныште айдеме организмын шкешотан биологический шагатше уло. Лачшымак тудо йўдым але эр велеш эре ик жапыште да эше чўчкыдын помыжалтме амалым умылтара.

1. 21-23 шагат гутлаште мален колташ неле? Тиде жапыште вўргорно палынак чолга‰еш. Мален колтен кертдыме амал иммунитет, щитовидный да верге ончыл ту (напочечник) дене кылдалтын кертеш.

Психологический фактор кокла гыч стресс, ик шонымашке шуын кертдыме, шке нерген утыждене шонымо да тыгайрак сынан моло амал мален колташ чаракым ыштат.

2. 23-1 шагат гутлаште помыжалтыда? Тыгодым шекшгалта чолга‰еш. Тиде орган кече мучко коям перерабатыватлымылан мутым куча. Тиде жапыште чўчкыдын помыжалтыда гын, рационышкыда чын, пайдале коям утларак пурташ тыршыза.

Шкем але вес е‰ым вурсымо годым омо лачшымак тиде жапыште йомын кертеш.

3. Омо 1-3 шагат коклаште йомеш? Тиде мокшын чолга‰ме жапше. 1-3 шагат гутлаште йомшо омо тиде органлан пеш кугу нагрузкым ыштыме нерген ойла. Алкогольым шагалрак йўмє але тиде осал койышым кудалтыме, рационым шотыш кондымо пагыт толын шуын.

Тиде жапыште омым сырыме, шыдешкыме, тыгак шкем титаклыме койыш лугыч ышта.

4. 3-5 шагатыште помыжалтыда? Тиде жапыште шодышко моло органышке колтылаш ситыше кислород погына. Тыгодым айдеме шўлыкым, ойгым шижеш. 3-5 шагат гутлаште помыжалтше айдемым депрессий тургыжландара. Нелылык гыч лекташ манын, рационыш шукырак пайдале продуктым пуртыза, яндар южым шукырак шўлыза.

5. 5-7 шагат гутлаште помыжалтыда? Тиде пагытыште кўжгышоло чолга‰еш, сандене помыжалтмылан єраш кўлешыже уке, вет шонданыш каяш жап шуын. Тиде ситыдымашым шукырак вўдым йўын кора‰даш лиеш.

Психологический фактор кокла гыч тєрлаташ лийдыме але илышыште сай вашталтышым чытен-чытыде вучымо кумылым палемдаш лиеш.

Шарныза: омо эре ик жапыште йомеш гын, организм полышым йодеш