Пиал нерген «Самырык еш – 2018» район конкурсын участникше-влак каласкалышт

Еш – айдемылан эн тў‰, эн кўлешан изи тўня. Тыште чылажат шўмлан лишыл да палыме. Ешыште, кушто йєратымаш ден пагалымаш озаланат, тудо пе‰гыде крепостьыш савырна да тыште ка‰ашым, куаным, умылымашым муаш лиеш. Мемнан районышто тыгай остров-влак шагал огытыл. Кумытшо нерген «Самырык еш – 2018» район конкурс каласкалыш. Конкурс кодшо арнян «Победа» кинотеатрыште эртыш. Тыште кум еш: Калтаса села гыч Ахметхановмыт, Тогыний гыч Каташовмыт да Кургак гыч Гадыршинмыт участвоватленыт.

Тыге миен лектын, еш команде-влак тичмаш состав дене огыл выступатленыт: кум еш озат вахте йєн дене пашам ыштат, сандене конкурсышто участвоватлен кертын огытыл, туге гынат, очыни, нуно ушышт, шўмышт дене шке ешешт пелен лийыныт, а нунын ватышт ден икшывышт-влак шке ешышт нерген тичмашрак да о‰айрак каласкалаш тыршеныт. Палыме лиймаш йўлашкак пурышо «Визитке» конкурс дене тў‰алын.

Кугу да келшен илыше Ахметхановмыт ешын девизше: «Настоящая семья – это много дружных «я». Рим ден Ильмира вич икшывым, кок эргым – Айдар ден Арслан да кум ўдырым – Айгуль, Алсу да Гульнара – ончен-куштат. Кажне йоча шке семынже волгыдо, талантан айдеме.

Каташовмыт шке еш илышыштым «экраныш» луктыныт да слайдым ончыктеныт. Тыште сурт оза Эдуард, авашт Светлана да Денис эргышт сурт сомылым шуктымыштым, пырля канымыштым ужаш лийын.

Марат ден Надежла Гадыршинмыт кум ўдырым – Дарьям, Мариям да Викториям – ончен куштат. Музыкально-поэтический визиткыштышт нуно шкешт нерген гына огыл, тыгак ковашт да кочашт нергенат каласкаленыт.

Кумшо «Вдохновение» кокнурсышто чыла еш шке мастарлыкшым ончыктен: Ахметхановмыт спорт дене кылым кучат, Светлана Каташова шке эргыжлан мурым пєлеклен, а Гадыршинмыт удмурт куштымаш дене калыкын кумылжым савыреныт, поснак изи Викан куштымыжо чылалан келшен.

Шке еш йўлашт, пайремышт, се‰ымашышт нерген участник-влак пытартыш «Мемнан деке унала толза» конкурсышто каласкаленыт.

Чыла конкурс о‰айын, веселан эртен – мыскара, воштылмаш, мурымаш да куштымаш калыкын кумылжым савыреныт. Чыла конкурс деч вара жюри тыгай иктешлымашым ыштен: икымше верым Гадыршинмыт ешлан пуэн, кокымшо – Ахметхановмыт да кумшо – Каташовмыт.

Мероприятий, чылалан сай кумылым пєлеклен. А тудо чынжымак о‰ай да весела лийже манын конкурсым вўдышє-влак чыла ыштеныт. Тиде гана конкурсым Чулковмыт вўденыт. Нуно «Самырык еш – 2017» конкурсышто се‰еныт ыле. Ульяна, Андрей, Даша да Марк мероприятийыш погынышо калыкын кумылжым пайрем шўлышыш виктарен моштеныт. Участник-влак заданий-влаклан ямдылалтмышт годым, концерт номерла дене ончаш толшо калыкым Ирина Карасева, Кристина Русиева ден Ольга Алкаева куандареныт.

С. Аркадьева.