Молан мый район газетлан сералтам?

Владимир Афанасьевич Зворыгин, Краснохолмский ялсоветысе Советын депутатше, Россий ЖКХ-ан почетан пашаеҥже:

– Мемнан район газетын творческий коллективын пашажым аклем да пагалем. Район газетым шукертак налам да лудын шогем. Ик номерымат кодымаш уке, тӱҥалтыш гыч мучаш марте лудам. Поснак ял озанлыкыште тыршыше пашазе еҥ-влак нерген материал-влакым лудаш йӧратем. Газет кугу тӱткышым самырык тукымым куштымашлан ойыра. Газет гоч ме талантан еҥ-влак дене палыме лийына. А вет Калтаса мландыште тыгай еҥ-влак моткоч шуко улыт.

Кажне, кӧ «Калтаса ӱжара» газетым лудеш, шкаланже мом-гынат пайдалым муэш манын мый шонем. Тыгай поро да кӱлешан газет кажне пӧртыштӧ лийшаш.