Калтаса ужара
+15 °С
Пылан
Все новости
Новости
28 теле 2018, 12:26

Ӱдырамаш консультацийын старший акушеркыже Ахметшина Зэлайда Кавыевналан профессийже илышыш савырнен

Секрет огыл, шукыжо тидым пала, вет Калтаса райрӱдӧэмлымверын келшен илыше коллективыштыже шуко сай да ӧрыктарыше еҥ-влак тыршат.
У ий вашеш шкенжын юбилейжым ӱдырамаш консультацийын старший акушеркыже Ахметшина Зэлайда Кавыевна палемда. Тудын нерген икмыняр поро мутым каласыме шуэш.
Шке паша корныжым тудо Душанбе оласе медицине училищым тунем лекмыж деч вара, 1989 ийыште тӱҥалын. Узбекистанысе Денаусскысо эмлымверыште азам ыштыме пӧлкаште акушерке лийын тыршен. 1992 ий гыч Калтаса эмлымверыште тырша.
Зэлайда Кавыевна акушерка веле огыл, тудо тиде пашаште ила манаш лиеш. Тудо шке пашажым моткоч сай шукта, профессионал улеш. Пашам пырля ыштыше йолташыже-влакат тудым пагалат. Ончылан шындыме задаче-влакым жапыштыже шукташ тырша, сандене очыни, ӱдырамаш консультаций подразделений пашаштыже сеҥымашлашке шуэш.
Пашам пырля ыштыме йолташна чынжымак шке пашажым палыше мастер, опытан вуйлатыше улеш. Шке подразделенийыштыже тудо чын оза улеш, тушто кажне лукшым пала, чыла йодышым решатлаш тырша, а нунышт пытартыш жапыште моткоч шуко улыт. Зуля Кавыевна нуным решатлаш вий ден жапым муэш. А специалист-влак огыт сите гын, тудо нуным алмаштен кертеш. Пашам пырля ыштыме йолташыже-влак дене нуно чыла кертмыштым ышташ тыршат.
Зуля Кавыевна шке пашажым моткоч йӧрата. Коллектив денат кутырен, критический ситуацийыштат шкенжым кучен мошта, кеч-кунамат тыйым умылен да полыш кидым шуялтен кертеш.
26 ий тудо пашам тыршен ышта. Ятыр тауштыме серыш, эмлымверын да район администрацийын, Башкортостан Республикын Чап грамотыжо-влак дене палемдалтын.
30 декабрьыште пашам пырля ыштыме мемнан йолташна щкенжын юбилейжым палемда. Ме уло коллектив дене тудым саламлена да тазалыкым, пиалым, да чыла сайым гына тыланен кодына.
Калтаса селасе райрӱдо эмлымверын медшӱжар-влакын ушемышт.