Уяҥдышым ит чамане, шаве

1. Шекарложашан вӱд. Вӱдым пеледышыш шавыме деч ончыч кӧршӧкысӧ рок ӱмбал лончышко 1 изи пане шекарложашым иктӧр шавалтыман але 1 стакан леве вӱдеш 2 изи пане шере падырашым шулыктарыме растворым шавыман. Ешартыш тыгай кочкышым арняш 1 гана пуыман.

2. Муно шӱмым шулык¬тарыме ешартыш кочкыш. Муно шӱм кальцийлан поян. Тудо мландын шопылыкшым нейтрализоватлен, нормышто кучаш полша. Шопылыкым кугемдаш кӱлмӧ годым ты минеральный ӱяҥдышым шавен, тыгай рокым нейтрализоватлаш шӱмым кучылтыт. Тидлан кӱчымӧ муно шӱмым леве вӱд йымалне шӱялтыман, коштыман. Чот тыгыдемдыме (йоҥыштымо эшеат сай) пайдале веществам мландыш шавалтыман. Эркын шулыктаралтмыжлан кӧра шӱмым икшырымын ешарыман. Тудым кактусым, росотам ӱяҥдаш кучылташ темлат. Ончылгоч тыгыдемден ямдылыме шӱмыш 3 л шокшо вӱдым ешарыман, 5 сутка шинчыктыман, вара ты растворым росоташ шаваш кучылтман.

3. Ломыжым шулыкта¬рыме раствор. Пу ломыжышто калий, фосфор, кальций улыт. 1 л вӱдыш порошок гай йоҥыштымо 30 г ломыжым ешарыман, 1 арня шинчыкты¬ ман да росоташ шавыман. Ик эн кӱлешанлан шотлалтше фосфор кушкыл клеткыште энергетический процесс каен шогымым палынак саемда.

4. Чай ден кофе куча. Йӱмӧ деч вара кодшо вӱдыжгӧ кучам сайын коштыман да пӧлемыште кушшо кушкылыш мульча да ӱяҥдыш семын кӧршӧкыш ешарыман. Ешартыш кочкыш семын росоталан кучылташ чай кучан настойым ыштыман. 1 стакан кучаш 3 л шокшо вӱдым ешарыман, 5 кече шинчыктыме жапыште икмыняр гана лугалтыман. Шӱрымӧ настойым ешартыш кочкыш семын кушкылыш шавыман. Чай ден кофе щелочан средам сайын нейтрализоватлат. Садлан нуным шопо мландыште кушшо кушкыл¬лан кучылташ пайдалырак. Кушкылым ик кӧршӧк гыч весыш кусарен шындыме годым дренаж лончо ӱмбач вичкыжын чай кучам шавалты¬ман, вара рокым, пытартышлан кушкылым урыман. Чай, кофе падыраш пешкыде мландым палынак куштылемда. Пеледыш кӧршӧк йыр изи карме (мушка) чоҥештылмым ужыда гын, ӱяҥдышым кучыл¬таш огеш лий. Тунам падырашан куча тыгыде насекомыйым эшеат талештарен шукемден кертеш.