Тар пучымыш тазалыклан пайдале мо?

Тар пучымыш вещества алмашталтмашым писемда, шӱмын да вӱргорнын пашаштым саемда. А эше тудо лулан да йыжыҥлан, тыгак инсульт да инфаркт деч вара пайдале. Организмым эрыктыше виян тар пучымышым облученийым налме годым кочкаш темлат.

Тар пучымышым кочмо дене вӱрын составшым, вуйдорыкын пашажым, шолоран моторикыжым саемдаш, тыгак коя да углевод алмашталтмашым нормыш кондаш лиеш. Тудо запор деч сайын полша, коя пытара. Шӧреш шолтымо пучымышым эрдене кочкаш пайдале, кастене – вӱдеш шолтыман. Но диабетик-влаклан тиде шӱрашым вӱдеш гына шолташ лиеш. тар йодлан организмыш шыҥдаралташ чарыкым ышта, сандене щитовтдный ту тургыжландарыме годым тудым утыждене кочман огыл. пагарын кугу шопылыкшо, йора да гастрит, верге чер, подагре але кальциноз годым тар пучымышым арняште ик гана веле кочкаш темлалтеш.