Пупкова Людмила Васильевнан урокшо-влак химий деке тунемше-влакын интересыштым вияҥдат да шинчымашыштым пойдарат

Айдемын илышыжым личный да общественныйлан шеледаш лиеш, тудо пашаче коллективыште эрта. А теве кузе ты чекым пален налаш, кунам паша пӧртыш савырна, а пӧрт пашам умбакыже шуя. Туныктышо-влак… Ача-ава-влак мыланна ик эн кӱлешан еҥыштым, шке икшывыштым, ӱшанен пуат. Туныктымаш гыч икшыве-влакын кузе тунеммышт шога, тыште иктаҥеш йолташышт-влак дене могай кыл лиеш, школышто тунеммаш куаным конда да пайдале лиеш…

2 №-ан Краснохолмский кыдалаш школын лондемжым Пупкова Людмила Васильевна кумло ий ончыч тошкал пурен. Ты жапыште Бирск оласе кугыжаныш педагогика институтым тунем лекме деч вара 2 №-ан Кӱшыл Татышле кыдалаш школышто биологий да химийым туныктен. Икымше урок гычак пален налме, коллективыш пашам тыршен ышташан, вуйын шогышан, пеҥгыдын йодшан туныктышо толын.

Людмила Васильевнан химий урокшо-влак – тиде туныктышын задаче ден проблеме-влакым чын формироватлен моштымаш, каҥашымашым чын корныш лукмаш, тӱрлӧ йӧн ден метод-влакым моштен кучылтмо шотышто наглядный пример. Уроклаште пашам ыштеныт, дисциплине пеҥгыде лийын.

Ты профессийым ойырен налмеке, Людмила Васильевна тудлан ӱмыржӧ мучко ӱшанле лийын кодын. Школышто пашам ыштыме жапыште химийым веле огыл туныктен, тыгак внеклассный пашам организоватлен. Тунемше-влакым шинчымашыштым чыла велымат пойдараш тыршен. Тыгак нунын илышышт оҥайрак лийже манын шукым ыштен.

Чапле туныктышо, шке пашажым сай палыше мастер, тудо кумда илыш корныш ятыр икшывым луктын. Таче тудын тунемшыже-влак Россий Федерацийын тӱрлӧ луклаж ден сферылаштыже тыршат. Юрист, врач, туныктышо, инженер, нефтяник да экономист-влак.

Пашам тыршен ыштымыжлан Людмила Васильевна Пупкова Россий Федерацийын образований министерствын Чап грамотыжо дене палемдалтын.

2 №-ан Краснохолмский КШ-ын коллективше.