Военный комиссариатыштат паша шолеш

1 апрель гыч шошымсо призыв кампаний тӱҥалын. Тенийысе призывник-влакым иктаж-мо у вуча мо? Шошымсо призыв деч посна районышто эше могай паша намиялтеш? Тидын да моло нергенат ме Янаул ола, Янаул, Калтаса районысо военный комисарын пашажым шуктен шогышо Лилия Кисилева дене мутланышна.

– Чылаже 276 еҥ. Республикысе сборный пунктыш 60 утла еҥым колташ шонена.

– Кугыжаныш Погынын законопроектшым пытартыш гана лудмо деч вара военнослужащий ден призывник-влаклан службо жапыште телефон да интернет деке ушымо моло устройство-влак дене пайдаланен ок керт. Тиддеч посна нуно соцсетьлаште военный службо нерген нимогай материалым савыктен огыт керт. Моло социаль йодыш-влак шотышто (обеспечений, формо, страховка) нимогай вашталтыш уке.

– Пытартыш жапыште военно-образовательный учрежденийлашке тунемаш пураш шонышо рвезе-влак дене пашам намиена. Школлаште «Есть такая профессия – Родину защищать» акций-влакым эртарыме. 11 еҥ тыгай тунемме учрежденийышке тунемаш пураш шона. Тачысе кечылан Калтаса район гыч 4 еҥ военный училище ден вузлаште тунемеш. Нефтекамск оласе ДОСАФ автошкол пелен военкомат гоч «В», «С» категорий водительлан тугок тунемаш лиеш. Тачысе кечылан Калтаса район гыч 9 курсант тиде школым тунем лектеш.

– Моткоч шуко. Эн тӱҥжым гына каласем. Районышто администраций, ялсовет администраций, школ-влак дене пырля Кугу Отечественный сарыште лийше участник-влак нерген данный-влакым погалтеш. Вара нунын лӱмыштым Москва воктенысе «Дорога памяти» комплексыште у электрон йӧн-влакым кучылтын шарнымашеш кодат. Тачысе кечылан 4317 материалым колтымо. Тиде паша дене пырля тыгак Афган сарын участникше-влак нерген книгам возаш материал погалтеш.

– Учений-влакым 2019 ий август-сентябрьыште эртараш шонена. Тиде мероприятийыш Башкортостан Республикысе Янаул ден Калтаса районышто илыше да запасыште улшо 500 утла гражданым да 30 единице техникым ушаш да кучылташ шонена.

– Янаул ола, Янаул, Калтаса районысо военный комиссариатын учетыштыжо 54 пенсионер шога. Нуно идалыклан ик гана санаторий ден курортлаште канен кертыт, кӱртньыгорно, юж, вӱд да автомобиль транспорт (такси деч посна) дене пайдаланен кертыт. Тыгак протезым ямдылен да олмыктен кертыт.

Федераль закон-влак дене келшышын, Обороно министерствын оксаж дене Кугу Отечественный сарыште колышо, военный службын ветеранже, Афган ден Чечен Республикылаште колышо-влаклан памятник-влакым ямдылат да шогалтат. Кодший тыгай 46 памятникым шогалтыме.

Социально-пенсионный обеспечений нерген военный комиссариатыш 5-59-67 номер дене йыҥгыртен кертыда.

– Коллектив районын мер илышыштыже чулымын участвоватла. Тиде спорт мероприятий, тӱрлӧ концерт. Кызытнаркотик ваштареш кучедалме шотышто «Жить! Любить! Творить!» соцрекламе шотышто Всеармейский конкурс эрта. Ме тыштат участвоватлена да тушко сӱрет ден плакат-влакым, тыгак коллективын илышыже нерген видеороликым колтен улына.

Е. Акиева ямдылен.