Ушан наставник

Тачысе школ вияҥме у этапышке шогалын. Школышто шуко у вашталтыш, образований системыште модернизаций кая.

Шке пашажым школ, содыки, ятыр ий пашам ыштыше туныктышо-влакын опытышт гыч чоҥа. Нунын коклаште – Шумкова Серафима Николаевна – руш йылме ден литературым туныктышто. Серафима Николаевнам «Отличник образования» знак, Башкортостан Республике образований министерствын, Россий Федераций образований министерствын Чап грамотыжо-влак дене палемдыме.

Лач мемнан школышто тыгай талантан, ушан наставник, ӱшанле йолташ да чыла пашаштат полшаш ямде улшо еҥ дене ме куанена да кугешнена.

Кажнынан ушыштыжо шкенжын школ корныжо. Ий-влак эртат да тудо илыш кужыт кугорныш савырна. Лач тидын годым кӧ воктенет кая, тыйым илыш дене палыме ышта – моткоч кӱлешан тат. Туныктышо тиде – призваний. Туныктышо лийын огыт шоч. Кугу буква гыч туныктышо лияш шуко тыршаш кӱлеш. Лач тыгай, кугу буква гыч Туныктышо улеш мыланна туныктымо пашан ветеранже Серафима Николаевна Шумкова.

Тудо Тошто Орьмучаш ялыште шочын-кушкын. 1981 ий гыч ялысе тичмаш огыл кыдалаш школышто тыршаш тӱҥалын. Тудын школышто гына ыштыме паша стажше – 38 ий!

26 апрельыште Серафима Николаевна шкенжым юбилей пайремжым палемдаш тӱҥалеш. Тиде кечын ме пашам пырля ыштыме йолташналан уло кумылын тыланена пеҥгыде тазалыкым, ойырен налме корныштыжо сай паша саскам, волгыдо да куанле илышым, чон ласкалыкым да еш пиалым.

Поро тыланымаш дене Тошто Орьямучаш ООШ-н туныктышыжо ден тунемшыже-влак.