Дмитрий Ильич Лазарев –журналист-влакын пагалыме унашт

Совет Ушемын Геройжо Дмитрий Ильич Лазаревын шочмо кундемышкыже толмыж годым «Заря» район газетын журналистше-влак дене вашлиялтын.

Тунам, 80-ше ийлаште газет редакцийыште талантан журналист, Кугу Ачамланде сарын участникше, I-ше да 2-шо степенян Кугу Ачамланде сарын кок орденын, Йошкар Шӱдыр орденын кавалерже А.И. Ирдуганов пашам ыштен. Нунылан лийын мо нерген шарналтен кутыраш. А ме сар нерген нунын ойлымашыштым тӱткын колыштынна. Кугу Сеҥымаш верч совет салтакын подвигышт нерген ойлымаш-влак лийыныт. Дмитрий Ильич устан ойлен моштен, тидын годым поро кумылан да проста еҥ лийын. Пытартыш гына тыгай вашлиймаш 1986 ийыште июньышто лийын. Геройым райком комсомолын кокымшо секретарьже Альберт Ахматнуров, районышто эн кугу Ильич лӱмеш кугу озанлыкым вуйлатыше Борисов Владимир Борисович, тӱҥ санитар врач Лисков Владимир Григорьевич ужатен коштыныт.

А унамытым мемнан редакторна, жапыштыже ик эн талантан журналист Вагиз Хузин порын вашлийын.

В. Акиев.