Кугымӧр кугу лийже манын мом ышташ?

Кугымӧр – кычалтылше кушкыл, сандене тудым сайын ончыман.

· Кугымӧр йыраҥыште кошкышо лышташлам, игыжым пӱчкедыза. Кошкышо кушкыл олмышко весым шындыза.
· Тӱрлӧ чер да копшаҥге-влак ваштареш обработкым ышташ уто огыл. Кугымӧрыш 1%-ан бордоский вартышым але хорус негызеш ыштыме препаратым шавыза.
· Кугымӧр ик верыште кум ий деч утларак кушкеш гын, тудлан ӱяҥдыш кӱлеш: вегетационный жапыште – азот, пеледме пагытыште – фосфор, саскам пуымеке – азот, фосфор да калий.
· Кушкыл шуко игым колтымо жапыште, саскан ятыр вийжым налеш. Кушкылым саскалан кӧра ончеда гын, игым пӱчкедыза, а ешарен шындаш шонеда гын, кодыза.
· Саска ынже лавырге да ынже шӱй манын, кушкыл йымаке пилашӱкым оптыза.

Мӧрым поген налмеке…
– Умбакыжат кушкылым эскерыман. Тошто, черле але эмганыше лышташ-влакым пӱчкедыза. Йыраҥыш вӱдым сайын шавыза, мландым пушкыдемдыза да иге-влакым пӱчкедыза.
– Июль мучаште – августышто кугымӧрыштӧ мӧр пудий-влак лийын кертыт. Эмганыше лышташ-влакым пӱчкедыза да йӱлалтыза. Кодшо кушкылыш 60 градусан шокшо вӱдеш марганцовко порошокым луген шавыза.
– Шыже марте кушкылыш вӱдым оптыза, мландым пушкыдемдыза.
– Теле вашеш, мланде 5-7 см кылмымеке, йыраҥым олым але эҥыжвондо дене леведса