+13 °С
Пылан
Все новости
Новости
25 Сӱрем 2019, 13:20
Уда поҥгым шукшат ок коч?
Мемнан кундемыште поҥгым погаш пеш йӧратат. Поҥго тамле кочкыш гына огыл, тыгак тушто белок, жир, кальций, марганец, йод, цинк улыт. Тудо А, В1, В2, С, Д, РР да моло витаминлан поян. Свежа поҥго шоган, кешыр, ковышта дечат пайдарак. Тудым кочкын, вашке темаш лиеш. Аяргашат неле огыл.
Мемнан кундемыште поҥгым погаш пеш йӧратат. Поҥго тамле кочкыш гына огыл, тыгак тушто белок, жир, кальций, марганец, йод, цинк улыт. Тудо А, В1, В2, С, Д, РР да моло витаминлан поян. Свежа поҥго шоган, кешыр, ковышта дечат пайдарак. Тудым кочкын, вашке темаш лиеш. Аяргашат неле огыл.
Кунам поҥго дене аяргаш лиеш?
Поҥгышто токсин але микротоксин шуко годым.
Поген кондымо поҥгым жапыштыже шолтен але шӧнчалтен огыдал, а холодильникыште да моло вере шуко пагыт шинчыктенда гын.
Телылан ямдылыме поҥгымат (мариноватлыме, шӧнчалтыме але морозильникыште) ик ий утла ида кучо.
Шукшан поҥгым ида коч.
Южо поҥгым кочмо годым аракам йӱмӧ аяргымашке шуктен кертеш.
Поҥго дене аяргымым кузе палыман?
Мӱшкыр пӱтыраш да коршташ тӱҥалеш, укшинчыкта, температур кӱза, шӱвылвӱд йога, вуй пӧрдеш да коршта, пушкедыкта.
Тыланда неле гын, вигак вашкеполышым ӱжыктыза.
Врач толмешке, туткарыш логалше еҥын пагаржым эрыкташ кӱлеш. Кочмо содым пыштыме вӱдым (пел литр шолтымо вӱдлан ик изи пане содо кӱлеш) йӱман. Тыге укшинчыш толеш.
Вара черле еҥым койкыш вераҥдыман, йолыш да мӱшкырыш грелкым пыштыман. Пеҥгыде, шекаран чайым, кофем але мӱян шӧрым йӱктыза. Кочкаш пуыман огыл. Аракам йӱаш огеш кӱл: тудо аярлан организмыш вашкерак шыҥаш полша. Аяран поҥгым луктын ида шу. Врач аяргымын амалжым вашкерак пален налеш.
Еҥ ойлымылан ида ӱшане!
Поҥгын аяран улмыжым кузе пален налме шотышто тӱрлын ойлат. Но чылажланак ӱшанаш огеш лий.
Ойлат, пуйто кочкаш йӧршӧ поҥго тамлын ӱпша, а аяран – удан. Чылаж годым огыл. теве шампиньон ден шурвоҥго ик семын ӱпшат. Кеч икымшыжым кочкаш лиеш, а весыжым уке.
Аяран поҥгым шукшат ок коч. Тидат чын огыл. Ятыр аяран поҥгым шукш налеш.
Кызыт гына лекше свежа кеч-могай поҥгым кочкаш лиеш, аярже погынен шуктен огыл. Тидат чын огыл, шурвоҥго кеч-кунамат аяран.
Шолтымо поҥго вӱдыш ший совлам чыкет да тудо шемемеш гын, тугеже тыште аяран поҥго уло. Чын огыл.
Поҥгым шолтымо вӱдыш пыштыме шоган ден чеснок шемемыт гын, тугеже ты поҥго аяран манмыланат ида ӱшане.
Ойлат, аяран поҥго свежа шӧрымат шопыктара. Тидланат ида ӱшане.
Садлан поҥго аяран але укем раш огыда пале гын, лучо тудым ида пого.
©1932 - 2024, Общественно- политическая газета Калтасинского района, учреждена Агенством по печати и средствам массовой информации Республики Башкортостан и ГУП РБ Издательский Дом "Республика Башкортостан"
Свидетельство о регистрации ПИ №ТУ02-01404 от 18 августа 2015 года. Главный редактор Акиев Виталий Аксяевич
Телефон
8(34779) 4-12-50
Электрон почто
Адрес
РБ, Калтасинский район, с.Калтасы, улица Пионерская, 7
Рекламе пӧлка
8(34779) 4-12-22
Редакций
8(34779) 4-12-44
Приемный
-
Пырля ыштымаш
8(34779) 4-11-95
Кадр пӧлка
8(34779) 4-12-22