Йӧратыме туныктышым шарналтен…

Нигӧлан секрет огыл, 2 №-ан Краснохолмский кыдалаш школышто тунемше да выпускник-влакын йӧратыме туныктышышт гына огыл, тыгай йӧратыме тунемме предметышт – географийышт уло.

Кажне айдеме илышыштыже тунемме жапым, пырля тунемме йолташыштым, палыме е‰ыштым куан дене шарналта. Ту жап дене кылдалтше историй-влакым шыргыжалын ушештара. А эн волгыдо да куанле шарнымаш – тиде йєратыме туныктышо нерген. Мыланем тиде е‰ – географийым туныктышо Римма Инсафовна Ибрагимова.

2 №-ан Краснохолмский кыдалаш школыш мўндыр 1973 ийыште, БГУ-м тунем пытартыме деч вара распределений почеш пашам ышташ толын. Ты жапыште географийым Римма Сабирзяновна Адиева туныктен. Тудат ту жапыштак саде университетымак кум ий ончыч тунем пытарен, а 1974 ийыште Холм гыч каен.

Кугырак тукым выпускник-влак поснак порын шарналтен ойлат: Римма Инсафовна весела, ояр, йошкар тувыр да йошкар кем дене пеш стильный да модный толын, ола гыч тудо лийын. Тыге туныктымо илышыже тудын тў‰алын. Тиде чапле, икте-весышт деч ойыртемалтше урок, модмо технологий, карте дене паша, верыште практический заданий, Шихан курыкыш да Киебак э‰ер тў‰алтышке экскурсий, географический ринг, викторине, пырдыж газет, кроссворд-влак. А ий еда турслетыш коштмаш! Тиде мемнан школнан визитный карточкыже лийын, тудым икшыве-влак чытыдымын вученыт. Рюкзакым тич темен, палатке ден кочкышым налын школышто тунемше чыла икшыве Нарат ялыш йолын ошкылын. Тыште кок кече туристический полосам эртеныт, медицине полышым ончыкташ тунемыныт, топографический знак-влак шотышто шинчымашым тергеныт, кушкыл ден пеледыш-влак пален налыныт, костерышто кечывал ден каскочкышым шолтеныт, гитаре почеш муреныт, тамле кладым кычалыныт, кече шичмым ужатеныт да ўжарам вашлийыныт. Тыгай поход-влак деч вара тўрлє класслаште тунемше-влак икоян лийыныт. Кызытат чыла тиде шарналтеш, пуйто те‰гече гына лийын.

Римма Инсафовна – творческий айдеме, иктаж-могай мероприятийым, пайремым, пашам эртарыме годым, пытартыш марте чыла шонкален ышта. Лач тудо мемнан школышто «Серпантин» куштымаш кружокым организоватлен. ™дыр ден эрге-влак урок деч вара кумыл шуын кушташ кодыныт. Технологийым туныктышо-влак мыланна костюм-влакым ургеныт, пырля ка‰ашен нуным ыштеныт, мемнан шонымашнамат шотыш налыныт. А куштымаш марафон? А те шарнеда, кузе тудо эртен? А ме, выпускник-влак тидым моткоч сай шарнена… Тиде куштымаш пайрем лийын, а тудыжо «Нефтяник» клубын сценыштыже эртен. Тунам мужыр-влак тўрлє жанран кум куштымаш дене ямдыленыт да жюри ончылно выступатленыт. 2-3 тылзе школ коридорышто переменлаште тунемше-влак ятыр лийыныт, кажныже шке куштымашыжым тунемын. Тиде чынжымак музыка, граций да моторлык пайрем лийын.

Но тиде чыла огыл. Римма Инсафовна школышто туристический коштмашын организаторжо улеш. Башкирийыште, Российыште «Золотое Кольцо», Кунгурский пещерыш, Санкт-Петербургыш але Москваш, а пытартыш жапыште йот эллашке – Италийыш, Францийыш, Германийыш коштыныт.

Мыйын туныктышем ятыр ий «Гармония» мурышо ансамбльыш коштын, туныктышо-влак КВН командыште лийын. Тудын еш архивыштыже школ илышын шўдылен фотосўретше, визитке-влакым возымо тетрадь ден папкыже, концерт-влак сценарий уло. Туныктышылан – тиде аклаш лийдыме поянлык.

Тудын туныктымо икшыве-влак Ачамландылан кугу пайдам кондат, тўрлє область ден сферылаште тыршат.

2019 ий 1 сентябрьыште Римма Инсафовнан туныктымо пашажлан 46 ий темеш. Тудо «БР-ын сулло туныктышыжо», туныктышо-методист, Паша Чап орденын кавалерже, «Талукын туныктышыжо – 1990» конкурсышто се‰ыше, 2006 ийыште Россий Федерацийын эн сай туныктышыжо конкурсышто се‰ен.

Наталья Байтимирова, 1997 ийысе выпускница, Мелеуз оласе 8 №-ан КШ-ын географийым туныктышо.