Музыка дек йӧратымаш дене

Уфа олаште «New star» конкурс эртен да тушто икшыве-влак участвоватленыт. Мемнан школ гыч Садыкова Айгуль ден Асанов Егор (1-ше степенян дипломант-влак), Попов Родион ден Ильчибаев Павел (2-шо степенян дипломант-влак), Низамутдинова Алсу ден Зайниева Арина (2-шо степенян дипломант-влак) призан вер-влакым налыныт.

Мылам да Родионлан вучыдымо темлымаш пурен. «Сай деч эн сайже» тӱнямбал конкурсышто, а тудо 8-ше гана эртаралтеш, участвоватлаш ӱжыныт. Тудым ий еда Россий Федераций культура министерстве да Туапсе олаште «У тукым» фонд эртара.

Чыла участник кок кече почела сценыште 10 минут дене репетироватлен. Тылеч посна, мемнан илыме пансионатыште, инструмент шоген, туштат возалтме деч вара ешартыш занятий-влакым эртараш лийын. Теҥыз, йӱштылалтмаш – тудын деч посна кузе.

Теве кужу жап вучымо конкурс толын шуо. А тудым 2019 ий 13 июльышто эртареныт. Сценыш лекме деч ончыч конкурсант-влак чыланат тургыжланеныт. Попов Родион шымше выступатлен.

Тудо лауреат-влак дене иктӧр выступатлен да III-шо степенян лауреат дипломым налын.

А жюриште Москва ола гыч Гнесиных лӱмеш консерваторий гыч туныктышо-влак шинченыт. Конкурс деч вара посна инструмент-влак дене мастер-класс-влакым ончыктеныт.

Родион тений Краснохолмский йоча искусство школым тунем лектын. Музыка да фортепиано дене шоктымыжо тудлан ончыкыжымат ӱшанле йолташ лийыт манын ӱшаныме шуэш.

И. Попова, йоча искусство школ вуйлатыше.