Кӱлеш лийын кертеш Энергийым аралена

Электроэнергийлан шагалрак тӱлаш манын, светодиодный лампым налман. Тудо шергырак гынат, кӱчык жапыште шке акшым пӧртылта. Тыгай лампе кужун йӱлен огеш кай, экологичный да экономичный улеш.

Компьютер, принтер, сканер да моло электроприбор дене пашам ыштен чарнымеке, нуным сеть гыч лукман. Вучымо (ожиданий) режимыштат электроэнергийым «кочкыт».

Чайникыште йошкын погынен гын, эрыктыман. Йошкынан чайникыште вӱд кужаш жап шолаш пура.

Мушмо машинам пеле гына темыман огыл, электроэнергий шукырак кая. Тудым тич темыман да изирак температурыш шындыман.

Холодильникым батарей але плита воктек ида шынде. Тудлан кӱлеш йӱштӧ температурымкучаш чотрак пашам ышташ перна. Тыгак холодильникыш шокшо кочкышым шындаш ок кӱл. Холодильникысе кылмыктыме камерыште ий погына гын, тудым мушкын лукман (автозаморозко уке годым), уке гын 15-20 процентлан шукырак энергийым «кочкеш».

Сурт гыч кайымыда годым тулым йӧрташ ида мондо.

Лампычкым да плафоным чӱчкыдынрак плафон деч ӱштса.

Тошто проводкым вашталтыза. Южгунам тошто проводкылан кӧра электроэнергий шукырак каен кертеш.