Чывын, комбын, лудын кӱркан илышышт гыч оҥай факт-влакым кондена.

Мӧҥгысӧ ферма Тидын нерген колында?

Чывын, комбын, лудын кӱркан илышышт гыч оҥай факт-влакым кондена.

Пӱктышӧ чыве кечыште 50 чоло гана муныжым савыра.

Лӱдыкшӧ лекме годым узо кӱркан вуйжо канде тӱсым налеш. А кунам тудо кредалмашке ушнаш ямде лиеш – вуйжо йошкар тӱсыш савырна.

Чыве айдеме семынак тӱрлӧ тӱсым ужын, пален мошта.

Те лудо деке йышт гына миен огыда керт. Шинчаже 340 градус дене ужеш. Южо лудо почмо шинча денак мален да йырымваш мо ышталтмым эскерен кертеш. Пел вуйдорыкшо тергыше, тыгодымак вес пелыже мала.

Чыве кечым ончен, верым пала. Пылан игечыште тудо шке вӱтажым але пыжашыжым муын ок керт. Сандене эрыкыште коштмо годым вӱта деч ятырлан умбалнырак мунчен кертеш.

Мунчымо свежа чыве мунын температурыжо 40,5 градус лиеш.

Жираф дене таҥастарымаште чывын шӱйыштыжӧ лу ятырлан шукырак уло.

Кӱрка – ушан да шижын моштышо сурткайык. Узо кӱрка озаж деке шыде койышан ынже лий манын, эше изиж годымак тудын дене шыма койышан лийман. Тудо ӧпкем пеш сайын шарна. А лӱдыкшӧ лекме годым «тушман» ӱмбак керылт кертеш да шке озажым арален налеш.

Чыве ок шал. Тудо чыла отходшым ик шӱкалтыш дене да ик рож гыч луктын шуа.

Науко ончыктен: мӧҥгыштӧ ашныме чыла ир кугылудо (кряква) деч лектын. Ир лудым туныкташ лиеш, тудо 2-3 тукым гыч мӧҥгыштӧ ашныме лудо гаяк койышым кояш тӱҥалеш.

Ир кӱрка кӱчык кужытыш шагатыште 88 километр наре чоҥештен кертеш.

Чыве кочмыж годым шудым йоча-влак спагеттим шупшмышт семын шупшеш.

Чыве 100 утла чонаным, тидын шотыштак айдемымат, пален налын кертеш.