Олма гыч (пайдале каҥаш )

Тений олма моткоч шуко шочын. Южышт тудын дене мом ыштышашымат огыо пале: ятырын компотым, вареньым, повидлом ямдыленыт. Телылан компотланат ситышын коштымо. А те, лудшо йолташна-влак, олма гыч кисельым шолтен онченда?

Уке гын, тыгай темлымашна лиеш: 4 стакан вӱд, ик стакан шекар, 4 чай пане пареҥге крахмал, 8 кочо олма, пел чай пане ванильым ушыман шекар кӱлыт.

Тыглай (эмаль кӧрган сайрак) каструльыш 4 стакан вӱдым пыштен шолтыман. Тушко шекарым ешарыман. Пареҥге крахмалым кок стакан шолтен йӱкшыктарыме вӱдеш шулыктарен, пудыратен-пудыратен, эркын гына шолын шинчыше вӱдыш опталман. Кисельын шолаш тӱҥалмекыже, тул ӱмбач налаш ида мондо. Эрыктыме олмам терко гоч колтыман да каструльыш пыштыман. Тушко ваниль йӧршан шекарым ешарыман. Чылажымат сайын пудыратен, чашкышке темен, йолташетым, ешетым сийле.

Перкан лийже!