Арбуз каҥгешташ полша, шукшым пытара

Кызыт лач арбузым кочмо пагыт. Тудым ме чылан гаяк моткоч йӧратена. Тидын годым ты саскан кажне ужашыжын пайдале улмыж нерген шагалынже палат, очыни.

Мутлан, арбузын свежа веле огыл, коштымо шӱмжымат мочегонный манме йӧн семын кучылташ лиеш. Тидлан отварым тыге ыштыман: ик ужаш арбуз шӱмыш лу ужаш вӱдым темыман, шинчыктыман да суткаште 3-4 гана пел стакан дене йӱман.

Арбуз кичкым темден тыгыдемдаш гын, тидым кӧргӧ гыч шукшым лукташ кучылташ лиеш.

А теве арбузын уто нелытым пытараш полшымыж нерген ятырын палат гынат, эше ик гана ушештарена. Тидлан кечеш ик килограммат пеле арбузым кочман. Но тетла кечыгут умшашке, манмыла, шӱраш пырчымат пыштыман огыл. Тунам веле пайда лиеш. А эше иктаж-мом кочнеда гын, мӧҥгешла, нелытда ешаралтеш веле.