Калтаса ужара
+29 °С
Пылан
Все новости
Новости
27 Сорла 2019, 17:50

Кугезе кочам дене кугешнем

Шукерте огыл мемнан редакцийыш палыме общественный деятель Николай Алексеевын кугезе уныкаже – Оксана Пономарева толын ыле.

Шукерте огыл мемнан редакцийыш палыме общественный деятель Николай Алексеевын кугезе уныкаже – Оксана Пономарева толын ыле.
Ушештарена, Николай Алексеевич Алексеев – I-ше да II-шо Всероссийский Марий Погынын организаторжо, Совет правительстве пелен Рӱдӧ марий пӧлкан организаторжо. Тудын вуйлатымыж почеш, 1918 ий 1 октябрьыште Казань олаште «Йошкар кече» (кызыт «Марий Эл») газетын икымше номерже лектын. 1919 ий 17 сентябрьыште Бирскыште – «Совет умландарымаш» («Известия Советов»). 1920 ийла тӱҥалтыште Н.А. Алексеев Марий кундемыште автономный областьым шочыкташ манын, кугу пашам намиен.
– Кугезе кочам нерген материалым изин-изин погем, – каласыш мыланна оксана. – Мыланем тудын шочмо Келтей ялже пеш шерге. Сандене яра жап годым тышке толаш тыршем. Палем, Николай Алексеевич «Ленин корно» район газетын икмыше редакторжо лийын, Метрострой дене договорым ыштыме шотышто инициатор лийын да икымше добровольец-влакым шкеак Москва марте ужатен.
Оксана тыгак ту жапысе газетын икымше номержым ужнеже ыле. 30-шо ийласе газетым, кунам район вуйлатыше-влакын структурыштым ышташ тӱҥалме лийын. Тышке кугу вий ден шинчымашым Н.А. Алексеев пыштен, тунам тудо райисполком вуйлатыше лийын тыршен.
Оксана, Пермь оласе кугыжаныш национальный исследовательский институтышто тунемеш. Тений кумшо курсым тунем лектын. Пермь кундемысе губернаторын степендиатше улеш, волонтер толкынышто участвоватла.
Редакций деч: Мемнан деке Оксана кочаже, Адольф Николаевич дене толын ыле. Тудо Келтей ялсоветысе ветеран толкынын ик эн чолга еҥже улеш.

– Мый лу кече Краснохолмский селасе эмлымверын паллиативный пӧлкаштыже эмлалтынам. – каласыш тудо. – Пӧлкам Ахметханова Лилия Фаиховна вуйлата. Пеш сай врач, чын профессионал. Врач да тыгак чумыр медперсонал черле еҥ-влакым пеш тӱткын ончат, поро кумылан улыт.

– Шукерте огыл мыланем 85 ий темын, – шуя умбакыже шке мутшым Адольф Николаевич. – Ынде 90 ий марте илыме шуэш. Паллиативный пӧлкан врачше-влак мыйын тазалыкемым тӧрлатышт, шкаланем ӱшанаш йӧным ыштышт. Тек нунат эре таза лийышт, нигунамат ынышт черлане.