Мемнан район 85 ий ожно

Калтаса районышто 123 тӱҥалтыш, 10 тичмаш огыл кокла школлаште чылаже 11330 тунемше шинчымашым поген. 301 туныктышо-влак кокла гыч визытше кӱшыл образованиян лийын, кокла образований дене 172 туныктышо, педагогика образований деч посна – 124.

Районысо ялозанлык школ тунемше-влакым оксам тӱлен вольык ончымо, сад-пакча да счетовод пӧлкалашке тунемаш налме нерген увертара. 5 тылзе тунемман. Тунемаш тергыме, ӱшанле колхозник-влак гына налылтыт. Адрес: Келтей ял.

16-17 сентябрьыште районыш ВКП (б) Башкир обкомын икымше секретарьже Быкин Яков Борисович толын. 17 сентябрьыште Эльян район рӱдыштӧ парторг, колхоз ден ялсовет вуйлатыш-влакын погынымашышт эртен. Уна шке выступленийыштыже район киндым ончен куштышо-влакын тӱҥ экзаменыштым шуктен манын палемден. 16 сентябрьлан республикыште эн ончыч кугыжанышлан киндым сдатлыме шотышто планым темен. Погынымаште тыгак 1 октябрьлан кылмаш курал пытараш пунчалым луктыныт, а 15 октябрьлан – шурным шийын пытараш.

5 сентябрьыште район газетын татар йылме дене «Ленин юлы» икымше номерже лектын, тыгак «Ленин корно» газет лектын шоген (1935 ий 1 январь гыч), 1933 ий гыч – Касево МТС-ын политпӧлкажын «За большевистские колхозы» газет.

1934 ий мучашлан кок МТС-те 56 трактор ден 8 комбайн лийын. 46 фермыште 1398 вуй ушкал, 40 сӧсна фермыште – 2341 вуй сӧсна, 16 шорык фермыште – 1070 вуй шорык, имне фермыште – 182 вуй имне лийын. 63 клуб, 20 лӱдмо пӧрт, 39 библиотеке, 3 ветеринар участке, 6 фельдшер пункт да 4 эмлымвер.

Иктыш ушымо районышто 43 ялсовет да 229 ял лийын, тыште 75468 еҥ илен. Тушеч 33668 пӧръеҥ, 41600 ӱдырамаш. Марий-влак – 33%, башкир-влак – 25,7%, татар-влак – 9,8%, удмурт-влак – 1,6%.

Декабрьыште район Советыш депутат-влакым сайленыт. Район Советын президиумжым сайлыме. Районысо исполнительный комитает (РИК) вуйлатышылан Калев Дмитрий Фомичым сайлыме.

Р. Шакиртов