Калтаса ужара
+29 °С
Пылан
Все новости
Новости
31 Сорла 2019, 15:12

Шкем шке пытарымаш. Айдемылан тыгай ошкылым ышташ мо тарата?

Шкем шке пытарымаш. Айдемылан тыгай ошкылым ышташ мо тарата?Тиде шотышто Калтаса район администрацийыште профилактика погынымаш эртен

Район администрацийын погынымаш-влак залыштыже калык коклаште шкем шке пытарыме шотышто профилактика погынымаш эртен.


Погынымашым район администраций вуйлатыше Ю.М. Садыров вӱден


Ончыч факт-влак

2019 ийын 6 тылзе жапыште район территорийыште шкем шке пытарыме 16 случайым палемдыме. 18 ий марте – 1 случай; 18 гыч 30 ий марте – 4; 31 гыч 40 ий марте – 3; 41 гыч 50 ий марте – 3; 51 гыч 60 ий марте – 2; 60 ияш деч кугырак-влак коклаште – 3.


Социальный статус дене: школышто тунемше – 1; кокла-специальный учрежденийын студентше – 1; пашам ыштыше– 5; пашадыме – 5; кокла образований дене – 10; кӱшыл образований дене – 1.

Шкем шке пытарымашын негызше: шкет улмаш (1), внутриличностный проблеме (8), еш коклаште вурседалмаш (1), неле чер (3) да молат.


2019 ийын кокымшо кварталжым анализироватлымеке, шкем шке пытараш тӧчымӧ 6 случайым палемдыме. Тушеч: пашадыме – 2 еҥ, пашам ыштыме – 3 еҥ, пенсионер – 1.


Район погынымаште лончылымо теме пеш спай (деликатный) да актуальный улеш. Кажне тыгай случай тиде – родо-шочшо-влаклан ойго, орлык. Сандене посна шонкалымаш-влакым огына ончо, газет мутым тиде мероприятийын участкше-влаклан пуа.


– Тиде теме моткоч актуальный. Лышыл еҥ-влакым йомдарена. Кунам ме диспансеризацийым эртарена, кажне вашталтышлан кугу тӱткышым ойырена. Но врач-влак айдемын физический состоянийжым гына тергат. А тудын чоныштыжо мо – ме терген, пален налын огына керт. Сандене тиде планыште чылан пырля ушнаш кӱлеш: врач, психолог да обществе.


– Ме Республиканский клинический психотерапевтический рӱдер дене пашам чак ыштена. Тений мемнан йодмына почеш тушко ик рвезым эмлаш колтенна ыле.


2019 ий майыште районысо школышто тыршыше педагог-психолог-влак дене пырля погынен поснак кугу тревожность тӱшкашке пурышо икшыве-влакын спискыштым ыштенна да лончылена. А тидыжым тестированийым эртарымеке пален налме. Тиддеч вара тыгай икшыве-шамычым канаш колтымо, кажныже дене посна пашам эртарыме.


– Еш службышто тыршыше психологын пашаже тӱҥ шотышто неле илыш ситуацийыш логалше клинетлан полшаш виктаралтын. Кунам клиент шке йодын толеш, тунам психологий полыш ончыкталтеш.


– Шкем шке пытарымаш тиде кугу язык… Аллах мусульманинлан моло еҥ-влак ваштареш осал пашам ышташ чарен, тыгак шке ваштарешат осал пашам ыштыман огыл.


– Тыгай ошкылым ыштыше еҥ, тудын кышажым ок пале. Тыге ыштен нуно шке родо-шочшыштлан, лишыл еҥыштлан кугу ойгым да орлыкым кондат.

Шкем шке пытарен нуно шке проблемыштым гына решатлат. А орланыше чон садак кодеш. Шукыжо шкем шке пытараш тӧчымӧ деч вара инвалид лийын кодыт.

Шкем шке пытарымаш – кугу да неле язык.