Мемнан классныйна – эн сай!

Калык коклаште ойлат: «Кӱкшӧ курык вуйышто ылыжтыме костер ӱлнӧ шогышым нигӧм ок ырыкте. А вет шӱм-чон шокшышт дене ырыктыше еҥ-влакат улыт.

Мемнан школышто чапле туныктышо-влак ятыр улыт, кажныже шинчымашыжлан, мастарлыкшылан, порылыкыштлан пагалымашым сулен налын. А мый мемнан класс вуйлатыше Сиразев Роберт Зайкатович нерген ойлынем.

Роберт Зайкатович – поро да мемнан верч тургыжланыше «классный» ачана. Тудо чот тыршышан, чолга, чытышан улеш. А шинчаончылтышыже поро. Тудо пеҥгыдын йодшан, но чын туныктышо улеш. Лыжга, шуко мутланышан огыл, кажне воспитанникшым пагала. Роберт Зайкатович шке тунемшыже-влаклан оҥай да волгыдо илышым ышта, кажныж деке йӧным муын мошта.

Роберт Зайкатович – информатикым туныктымаште вӱдышӧ специалист, талантан туныктышо, чапле айдеме. Тудым чыланат пагалат да йӧратат. Пашажымат сай шукташ тырша, кугурак йолташ-влак деч усталыкым чумыра, педагогика наукышто у сеҥымаш-влакым шымла. Вет кажне туныктышо кызытсе илыш дене тӧр ошкылшаш.

Школ коллективыште тудым чыланат пагалат. Икымше кече гычак шкенжым сай велым ончыктен. Р.З. Сиразевын урокшо-влак – тиде чылалан пример, туныктымаште чыла йӧн ден формо-влакым кучылтеш.

Тудым Туныктышын кечыже дене саламлена. Роберт Зайкатовичлан БР образований министерстве деч образованийыште сеҥымашке шумыжлан да кушкын толшо тукымым туныктымыжлан таум каласыме. Ме, школын коллективше да тунемше-влак, тудым ты событий дене саламлена да у сеҥымашлашке шуаш, тыгак пеҥгыде тазалыкым, пиалым тыланена.

Пагалымаш дене

тендан 3 №-ан Краснохолмский КШ-ын 11 Б классда.