Турнявӧчыж (клюква) мо дене вара пайдале?

Турнявӧчыж (клюква) мо дене вара пайдале?

Турнявӧчыж аскорбиновый кислоталан поян, тушто С витамин шуко, тыгак Е, В группо (1, 2, 3, 5, 6, 9), К1 витамин-влак улыт.

Иммунитетым пеҥгыдемдаш манын, ик урзо турнявӧчыжым термосыш пыштыза да шолшо вӱдым ӱмбакыже опталза, икмыняр жап шинчыктыза. Тыгай настойым мӱйым ешарен йӱза.

Кылмыме годым турнявӧчыж организмым С витамин дене пойдара, организмлан кугу температур годым вӱдым утыждене йомдараш чаракым ышта. Емыжым ӱш дене лаштыртыза да, тушко шокшо вӱдым ешарен, кече мучко тыгай напиткым йӱза. Турнявӧчыжым блендер дене тыгыдемдыза, тушко мӱйым ешарыза. Чай дене йӱза.