Архив гыч справке кӱлеш? Госуслугыш пуро

Муниципаль архивыш пуымо йодмашын формыжо ынде вестӱрлемын. Тыланда пенсийым оформитлаш справке кӱлеш ала вес документ? Тыланда тугеже муниципалитетын архивышкыже мияш кӱлеш.

Лач тыште районысо чыла организаций ден предприятийын тӱрлӧ ийласе документацийже аралалтеш. Кажне еҥлан илышыштыже могай-гынат справке але документ кеч-кунам садак кӱлеш лиеш. Таче тыгай документ-влакым пуымо шотышто паша куштылемын. Чыла документым ынде «Мои документы» МФЦ-те налаш лиеш. Тидын нерген мыланна Калтаса районысо архив пӧлка вуйлатыше Елена Борисовна Сайтаева каласкалыш:

– Айдеме кеч-кушто лиеш гынат, тудлан архив пӧлка гыч кӱлшӧ документым многофункциональный центр (МФЦ ) але госуслуго республиканский портал гыч налын кертеш.

МФЦ-ын паша схемыжым чыланат палат: толат, йодмашым пуэт да палемдыме жапым вучет.