Тудын призванийже – йоча-влалкан куан ден шинчымашым пуаш

Тӱняште образованийыым чыланат пагалат, вет шинчымаш кажне айдемылан моткоч кӱлешан. Тыште туныктышо деч посна нигузе ок лий. Вет лач тудо тунемше-влаклан шинчымашым пуа, куаным пӧлекла. 2 №-ан Краснохолмский кыдалаш школын шуко выпускникшылан лач тыгай туныктышо Адиба Галишановна Иштуганова улеш.

Адиба Галишановна математикым туныкта, тиде неле да оҥай тӱняшке йоча-шамычлан омсам почеш. Тудо тунемше-влакым тӱрлӧ математике чоялыклан туныктен да урокышто нунылан оҥай лийже манын чыла ышташ тыршен. Сандене тудын урокшо-влак пеҥгыде дисциплине, эн неле задачым решатлымаш дене поснак ойыртемалтыныт.

Йочан ушышкыжо шинчымашым шыҥдараш куштылго огыл, но эше нуным уло кумылын тунемаш тараташ тидыже поснак неле. А вет йочалан тӱням почмеке, туныктышо тудым тиде тӱняште илаш туныктышаш. Тиде мастарлыкше мемнан туныктышанан ситышын. Адиба Галишановна кажне тунемше деке кылым муын мошта, а пашам пырля ыштыме йолташыже-влак тудым пагалат. Тудо кеч-кунамат самырык туныктышо-влаклан полшаш ямде лийын, нуным шке опытшо дене палдарен.

Пагалыме Адиба Галишановна! Ме тендам уло кумылын юбилей пайремда дене саламлена. Тыланена пеҥгыде тазалыкым, йолгорно гай кужу ӱмырым, кече гай волгыдо да ласка илышым, еш пиалым, вуй ӱмбалныда канде кавам да чевер кечым. Тек тендан тыматле шӱм-чондам кеҥеж кече гай кумыл эре ырыкта да ласкалыкым конда, илыш вийым пуа. Тек йырда поро да ӱшанле еҥ-влак шукырак лийышт, нунылан эҥертен, пашада эре ушнен толжо.

2 №-ан Краснохолмский кыдалаш школын коллективше.