Тунемше-влак оксам кучылт моштат

Калтаса районысо тунемше-влак кузе оксам кучылташ пеш сай палат. Тидым районышто икымше гана эртыше «Мозговой штурм» финанс грамотность шотышто чемпионатыште ужаш лийын. Кугырак класслаште тунемше-влак коклаште «Из копеек – рубль, из ручейков – море» конкурсышто участвоватленыт.

Интеллектуаль турнир кодшо кугарнян, 22 ноябрьыште, 1 №-ан Калтаса кыдалаш школышто эртен.

Ик площадкыште иканаште районысо школла гыч вич команде модын: «Финансисты» (1 №-ан Калтаса КШ), «Юные финансисты» (2 №-ан Калтаса КШ), «Начинающие финансисты» (1 №-ан Краснохолмский КШ), «Будущее за нами» (2 №-ан Краснохолмский КШ), «Копейка» (3 №-ан Краснохолмский КШ).

Ты конкурс участник-влакым финанс грамотностьын кӱлешлыкше нерген туныктен.

Команде-влаклан вич интеллектуаль конкурс да капитан-влак конкурсым темлыме лийын. Кажныже шке семынже ойыртемалтын. Йодыш-влак куштылго лийын огытыл, нунылан вашешташат жап пуалтын. Чемпионатыште пуымо йодыш-влак эрудицийлан да логически шонаш таратеныт.

Тале кучедалмаште 1 №-ан Калтаса КШ гыч «Финансисты» команде сеҥен. Ты интеллектуаль модышышто сеҥалтше-влак лийын огытыл. Тунемше-влак у шинчымашым налыныт.

Чемпионатым эртарыме деч вара районысо сборный командым республике чемпионатыш колташ лийыныт. А тудыжо Уфа олаште Президент-отельыште эрта.

С. Аркадьева.