ДЮСШ-ан воспитанникше-влак ындыжым чын биатлонист-влак семынак лӱйкалат

Кызытсе икшыве-влак компьютер ончылно шинчат да тӱрлӧ модыш дене лӱйкален модыт. Тольык теве Калтаса ДЮСШ-ан воспитанникше-влакын компьютер ончылно лӱйкален шинчаш жапышт уке. Телым кажне кечын ече дене, кеҥежым роллер дене коштмо деч посна нуно эше лӱйкалаш тунемыт.

Кызытсе икшыве-влак компьютер ончылно шинчат да тӱрлӧ модыш дене лӱйкален модыт. Тольык теве Калтаса ДЮСШ-ан воспитанникше-влакын компьютер ончылно лӱйкален шинчаш жапышт уке. Телым кажне кечын ече дене, кеҥежым роллер дене коштмо деч посна нуно эше лӱйкалаш тунемыт.

2 №-ан Калтаса кыдалаш школысо тирыште ӱдыр ден рвезе-влаклан пытартыш жапыште эше оҥайрак лийын. Тений нунылан шочмо спорт школын оксаж дене «Биатлон» лӱйкалыме установко-влакым налыныт.

– Ты марте йоча-влак тӱҥ шотышто кагаз мишеньыш лӱйкаленыт, – каласкала мыланна тренер Евгений Ахметдинов. – Кызыт, кунам нуно установкыш лӱйкалаш тӱҥалыныт, шкеныштым чын биатлонист семынак шижыт. А чыла мишенымат чын биатлонысо гаяк петырат гын, нунын шинчашт куан тул дене поснак йӱла.

Биатлонысо установко - тиде калай коробко, тудын ончыл могырныжо вич рож уло. Мишеньын шем тӱсышкыжӧ логатыме годым тудо ош заглушко дене петырналтеш. Конешне, йоча-влак тидлан пеш куаненыт. Тидыже нунылан у.

- Кызыт эше чыланат лӱйкален огытыл. Но мыланем тиде установкышто шкемын тура улмемым тергаш пиал шыргыжалын, – каласкала 11 ияш Никита Петров, тудат ончыкыжым спортсмен лияш шона. – Мый визыт гыч чыла мишеньымат петырен кертынам. Тиддеч ончыч тыгай установкым ме лач телевизор дене гына ужынна. А тыште, пуйто, шкеак биатлон дене таҥасымаште участвоватлена.

Палемден кодаш кӱлеш, Калтаса ДЮСШ-те лу ияш гычак пневматике винтовко гыч лӱйкалаш тӱҥалыт. Евгений Николаевич дене пырля самырык спортсмен-влак тирыште лӱйкалыме техникым шымлат: винтовкым чын зарядитлаш, спуск крючокым жапыштыже темдалаш да шуко молыланат тунемыт. Тренер нуным лӱйкалыме годым чын шогаш да кияш туныкта. Тыште чылажат моткоч кӱлешан. Тиддеч посна тренер шке воспитанникше-влакым физически да морально тале спортсмен лияш ямдыла. Ончыкылык биатлонист-влаклан тиддеч посна нигузе ок лий.

©1932 - 2024, Общественно- политическая газета Калтасинского района, учреждена Агенством по печати и средствам массовой информации Республики Башкортостан и ГУП РБ Издательский Дом "Республика Башкортостан"

Свидетельство о регистрации ПИ №ТУ02-01404 от 18 августа 2015 года. Главный редактор Акиев Виталий Аксяевич

Телефон

8(34779) 4-12-50

Электрон почто

[email protected]

Адрес

РБ, Калтасинский район, с.Калтасы, улица Пионерская, 7

Рекламе пӧлка

8(34779) 4-12-22

Редакций

8(34779) 4-12-44

Приемный

Пырля ыштымаш

8(34779) 4-11-95

Кадр пӧлка

8(34779) 4-12-22