Шканет шке полшо

Киндылан утыждене кумылан улмо годым организмлан азотым пуаш кӱлеш. Тудо белоклан поян колышто, шылыште да пӱкшыштӧ лиеш.

Шерым кочмо шуэш – глюкозо огеш сите. Тудым мӱйыштӧ шере пакчасаскаште, емыжсаскаште да мӧрыштӧ кычалман. Организмыште кальций ситыдыме годым коярак кочкышым кочмо шуэш. Тудыжым брокколиште, отызан да пурсан пакчасаскаште, сырыште да кунжутышто муаш лиеш. Сырым кочмо шуэш? Тугеже организмлан кальций ден фосфор огыт сите. Нине элементлан брокколи, шєр да торык поян улыт.

Шикшыктарыме кочкышлан кумыл уло гын, организм холестерин ситыдыме нерген шижтара. Тудо авокадыште, йошкар колышто, пӱкшыштӧ да оливкыште уло.

Логар ала-мом шопым кычалеш – организм С витамин ситыдыме дене орлана. Тудыжо лимонышто, турнявӧчыжыштӧ, кивиште, кугымӧрыштӧ, шуанвондыгичкыште, брюссельский ковышташте шуко.