Мӧҥгысӧ сыр

Тиде сырым тӱрлӧ семын ышташ лиеш. Интернетыште, журнал ден книгалаште рецепт-влакым муаш лиеш. Меат але марте ик гана веле огыл тудым ыштен ончаш темленна гынат, таче эше ик рецептым савыктена.

Каструльышко ик килограмм пеҥгыде торыкым, ик литрат пеле наре шӧрым пыштена да изирак тулышто 15- 20 минут ырыктена, шолаш огына пурто. Тылеч вара тудым шӱрена. Ынде вес каструльым налына да кӧргышкыжӧ ушкал ӱйым йыгена, кодшыжым, 150-200 грамм нарым, тушанак шулыктарена да кодена. Тидыже вараже тышке кок муным пыштымеке вигак кӱын ынже кай манын ышталтеш. Умбакыже тышкак шӱрымӧ торыкым, ик кугу пане наре шӧнчалым, пел изи пане содым пыштена да тул ӱмбаке шындена. Тыгодым толкушко дене темден, эре лугаш мондыман огыл. Вич минут гыч кораҥдена да адакат кӧргышкыжӧ ӱйым йыгыман атыш ястарена. Икмыняр жап гыч сыр пеҥгыдемеш, да кочкашат лиеш.