Кӱзым киндыш керын ида кодо – пиалдыме лийыда. Ош киндым кочкаш йӧратыше-влак пушкыдо кумылан, шыма койыш-шоктышан улыт, а уржа киндым йӧратыше-влак – пеҥгыде койыш-шоктышан, вий-куатан. Кинде пултышым кодаш ок йӧрӧ, пиалан огыда лий. Кинде шултыш кӱвар ӱмбаке камвозын гын, унам вучо. Пуркаҥше, пунышкышо киндым шуаш ок лий – суртышто тазалык, окса, ласкалык йомын кертыт. Кужу корныш лекме деч ончыч сумкашкыда кинде шултышым пыштыза. Тудо тендам осал деч арала. 
