Калтаса ужара
+13 °С
Пылан
Все новости
Новости
12 теле 2019, 22:10

Книган пайдалыкше

Книга – айдемын поро йолташыже. Тудым лудын, кажныже шканже пайдам налын кертеш. Но таче книгам кучен шинчыше ӱдыр-рвезым моткоч шуэн ужына.

Книга – айдемын поро йолташыже. Тудым лудын, кажныже шканже пайдам налын кертеш. Но таче книгам кучен шинчыше ӱдыр-рвезым моткоч шуэн ужына. XXI курым технологий дене ончыко каен. Сандене шукын, книгам ӧрдыжкӧ пыштен, компьютер але телевизор ончылно шинчат. Туге гынат книгам лудаш тыршыман, пайдалыкше кугу:
  • Книгам лудын, шуко шомакым шарнен кодыда. Тӱрлӧ жанран произведений-влакым лудмеке, тыглай кутырымаште кучылтдымо шомак-влак дене тӱкнен кертыда. Иктаж шомак тыланда палыдымыла чучеш гын, мутерыште кычалде кертыда. Южгунам терминын мом ончыктымыжым содержаний гыч умылаш лиеш. Книгам лудмо грамотный лияш полша.
  • Еҥ-влак дене мутланаш полша.
  • Книгам лудмо сайын кутыраш, шке шонымашым раш, яндарын да сылнын ойлен мошташ туныкта. Классический произведенийым шуко лудын, варажым шке шонымашдам каласкален мошташ тӱҥалыда.
  • Шке вийлан ӱшанымаш ешаралтеш.
  • Тыматле лияш тунемыда.
  • Мутын поянлыкше да ритмикыже психикым лыпландара. Поснак малыме деч ончыч чӱчкыдын лудмо полшен кертеш.
  • Ушым вияҥда. Лудмо годым произведенийын идейжым умылаш манын, чот шонкалена. Тыгак произведенийым умылаш манын, шуко шарнаш кӱлеш. Тиде ушым да логикым тренироватлаш полша.
  • Альцгеймер чер деч арала.
  • Эре самырык кодаш полша.
  • Усталык шӱлышым пурта. Произведенийым лудын, шуко идейым илышыш шыҥдарен кертыда.
  • Сайын малаш тӱҥалыда. Малыме деч ончыч эре лудыда гын, организм тидлан тунемеш. Тунам лудшо паша организмлан сигнал семын малаш вочмым шижтараш тӱҥалеш.
  • Тӱткӧ лияш тунемыда. Лудмо годым содержанийым шарнен кодаш тыршыман. Тидыже вес сомылым шуктым годым пайдам конден кертеш.

    • ©1932 - 2024, Общественно- политическая газета Калтасинского района, учреждена Агенством по печати и средствам массовой информации Республики Башкортостан и ГУП РБ Издательский Дом "Республика Башкортостан"

    Свидетельство о регистрации ПИ №ТУ02-01404 от 18 августа 2015 года. Главный редактор Акиев Виталий Аксяевич
    Телефон
    8(34779) 4-12-50
    Электрон почто
    Адрес
    РБ, Калтасинский район, с.Калтасы, улица Пионерская, 7
    Рекламе пӧлка
    8(34779) 4-12-22
    Редакций
    8(34779) 4-12-44
    Приемный
    -
    Пырля ыштымаш
    8(34779) 4-11-95
    Кадр пӧлка
    8(34779) 4-12-22
    Яндекс.Метрика