Ӱстембал шовычым палыме еҥдалан кучыктенда гын, тудын ешыштыже эре вучымо уна лийыда. Палымыда тыланда ӧпкем куча гын, шовын, шампунь, ӱплан маске наборым тудлан пӧлеклыза. Тунам сырымаш вашке мондалтеш. Ешлан вазым пӧлеклаш – сай пале. Но тудо пудырга гын, ты еш дене келшымым чарнен кертыда. Оксагалтам яра ида пу, кӧргышкыжӧ кеч-могай оксам пыштыза. Тидын дене еҥлан улан илышашым тыланеда.