У ий нерген тыгай оҥай пале-влакым колында?

Улан илаш манын, кочкаш тӱҥалме деч ончыч У ий ӱстелым пане дене пералтыман да пелештыман: «Идалык мучко тыгак тичмаш ӱстел дене илаш»

Иктаж арверым йомдаренда гын, У ийыште тудым муаш вилке полша. Тидлан вакшыш йымак ик стакан вӱдым шындыза. Тушко кок вилкым пӱйжӧ дене кӱшкылан чыкыза.

Шушаш идалыкыште улан илаш манын, У ий йӱдым омсалондемыш шӧрым шыжыктыман. Тыгодым тыге пелештыман: «Шӧрыштӧ мыняр чӱчалтыш уло, тунар куан лийже».

У ий йӱдым еҥлан шырпым, зажигалкым, сортам пуаш огеш лий.

У ийын икымше кечынже омсалондемым товар дене икмыняр гана пералтыза да ойлыза: «Илыш, тазалык, кинде». Тыге шушаш идалык пиал лиеш.

Улан илаш манын, кочкаш тӱҥалме деч ончыч У ий ӱстелым пане дене пералтыман да пелештыман: «Идалык мучко тыгак тичмаш ӱстел дене илаш».

У ийын кокымшо кечынже солыкышто кылдышым ыштыза да ойлыза: Ты кылдышым кузе куштылгын кылдышым, тугак чыла шонымашем У ийыште куштылгын шукталтеш». Ты солыкым ик ий тӱкалыман огыл.

Марлан кайыдыме ӱдыр У ий ӱстембач налме киндым кӱпчык йымак пышта гын, омышто ончыкылык пелашым ужеш.

Теве тыгай ӧрыктарыше шомак-влак улыт.

©1932 - 2024, Общественно- политическая газета Калтасинского района, учреждена Агенством по печати и средствам массовой информации Республики Башкортостан и ГУП РБ Издательский Дом "Республика Башкортостан"

Свидетельство о регистрации ПИ №ТУ02-01404 от 18 августа 2015 года. Главный редактор Акиев Виталий Аксяевич

Телефон

8(34779) 4-12-50

Электрон почто

[email protected]

Адрес

РБ, Калтасинский район, с.Калтасы, улица Пионерская, 7

Рекламе пӧлка

8(34779) 4-12-22

Редакций

8(34779) 4-12-44

Приемный

Пырля ыштымаш

8(34779) 4-11-95

Кадр пӧлка

8(34779) 4-12-22