Финн-угор Йӱштӧ Кугыза-влак

Марий-влакын – Йӱштӧ Кугыза, мордва калыкын – Якшамо Атя, Венгрийыште Микулаш але Телапо. Ненец-влакын Ямал–Ир изишак шаманым ушештара, ужгашт канде тӱсан. Удмуртийысе Тол Бабай моло-шамыч деч шемалге-канде тӱсан ужгаж дене ойыртемалтеш. Финляндийысе Йоулупукки конус гайрак упшым упшалеш, кужу ӱпан да йошкар вургеман. Тудын пелен эре гном-влак коштыт. Эстонийысе Йыулувана финн родыж гайрак.

Карелийысе Талви Укко – шоҥго кочай. А Паккайне – тудын шольыжо – ик эн самырыклан шотлалтеш. Садлан тудым качымарийлан шотлат да пондашыжат уке.

Коми-шамычын кочашт – Кӧдзыд Пӧль – ты республикысе Ыб финн-угор этнопаркыште ила. Тудо кӱчык курткым чия.