Крешене годым йӱштылман, но...

19 январьыште православный-влак Крешене пайремым палемдат. Преданий почеш, ты йӱдым вӱд чыла вере ойыртемалтше лиеш, садлан идалык мучко таза лияш манын, шукын йӱштылаш тыршат. Но лӱмын ямдылыме верлаште чывылалташ гын, сайрак, вет тушко шуко еҥ погына.

Крешене годым чыланат – изижат, шоҥгыжат – йӱштылаш тыршат. Но ончылгоч ямдылалтде, вӱдыш пурымо эҥгекыш шуктен кертеш. Врач-влак чылалан йӱштылалташ огыт темле. Гипертоний, ремватизм, атеросклероз, туберкулез черан-влаклан йӱштылман огыл. Моло хронический чер дене орланыше-влакат вӱдыш пурышаш огытыл. Лач таза еҥ веле йӱштылалт кертеш, но тудат икмыняр правилым шотыш налшаш:

Крешене годым шкетак йӱштылаш ида кай. Кӱлеш годым полшаш пеленда эре иктаж еҥ лийже.

Вургемым кудашме да чийыме жапыште йоллан йӱштӧ ынже лий манын, йол йымак пышташ кагазым але покрывалым налза.

Телым илышыштыда икымше гана йӱштылыда гын, вӱд йымак вуйге ик гана пурен лекмеке, вигак серыш вашкыза.

Вӱд гыч лекмеке, вашкерак чияш манын, вургемда аҥысыр да шуко молниян, полдышан ынже лий.

Вӱдыш пурымо деч вара аракам йӱаш да тамакым шупшаш огеш кӱл. Тыгак шужышо але кочмо деч вара вигак вӱдыш пурыман огыл.

Фотом редакцийын архивше гыч налме.

©1932 - 2024, Общественно- политическая газета Калтасинского района, учреждена Агенством по печати и средствам массовой информации Республики Башкортостан и ГУП РБ Издательский Дом "Республика Башкортостан"

Свидетельство о регистрации ПИ №ТУ02-01404 от 18 августа 2015 года. Главный редактор Акиев Виталий Аксяевич

Телефон

8(34779) 4-12-50

Электрон почто

[email protected]

Адрес

РБ, Калтасинский район, с.Калтасы, улица Пионерская, 7

Рекламе пӧлка

8(34779) 4-12-22

Редакций

8(34779) 4-12-44

Приемный

Пырля ыштымаш

8(34779) 4-11-95

Кадр пӧлка

8(34779) 4-12-22