Все новости
Новости
18 шорыкйол 2020, 14:10

Могай одеял эн сай?

Кызыт пуным, пыстылым, межым, хлопокым да бамбук ярымым оптыман одеялым ужалат. Кудыжо сайрак да пайдалырак?

Айдеме илыме кумшо ужашыжым мален эртара. Кап-кылым кандараш да вийым ешараш манын, одеялым ойырен моштыман. Малыме годым шокшо але йӱштӧ ынже лий манын, пӧлемысе температурым, тазалыкым шотыш налын, одеялым ойырыман.
Кызыт пуным, пыстылым, межым, хлопокым да бамбук ярымым оптыман одеялым ужалат. Кудыжо сайрак да пайдалырак?
Эн шокшылан пун але пыстылан одеял шотлалтеш. Тудо куштылго да пушкыдо, вӱдыжгым писын шупшеш, южым колта, коваште шӱла, но тушко пурак пудий писын погына, садлан аллергий дене орланыше-влаклан тыгай одеялым налман огыл. Тудым мушкаш огеш лий. Тыгай одеялым жапын-жапын яндар южышто коштыман. Чын араледа гын, пушаш да пыстылан одеял 10-15 ий наре куандараш тӱҥалеш.
Верблюд але шорык межым оптыман одеял куштылго, сайын ырыкта. Меж капкыллан, коваштылан пайдале, вӱр коштмым саемда. Меж одеял хронический бронхит, радикулит, остеохондроз дене черле-влаклан пайдале. Тудо чогашылым, нервым тӱҥдалтме деч арала. Южо еҥын межлан аллергий лийын кертеш. Тыгай одеялым когарш деч сайын аралыман. Мушкаш лиймым але лийдымым этикеткыште тӱткын лудса.
Хлопок ден бамбук ярым дене темыме одеял-влак тыгак моткоч куштылго, пушкыдо улыт, уто пушым огыт шупш, капкыл сайын шӱла, аллергийым огеш лук. Тыгай одеялым тувыр мушмо машинаште 40-60 градусан шокшо вӱдыштº мушкаш лиеш.
Ватный одеял шокшо, но неле, вӱдыжгым, уто пушым писын пога. Тудым мушкаш йӧсӧ.
Йоча-влаклан верблюд меж гыч ыштыме одеялым налман. Тудо куштылго да шокшо.
Одеялын «ӱмыржым» шуяш манын, чӱчкыдын почкыза, савыркалыза, ояр игече годым яндар южышто коштыза.