+12 °С
Йӱр
Все новости
Новости
25 шорыкйол 2020, 17:05
«Икшыве-влак – тиде пиал» - шотлат Краснохолмский села гыч вате-марий Ишманаевмыт
Пиалан лияш мыняр йоча кӱлеш? Кӧ дыр шона иктат сита манын, кӧлан кокыт. Кызыт илалшырак еҥ-влак дечын чӱчкыдын молан жапыштыже кокымшо але кумшо икшывым ыштен огынал гын, манме мутым колаш лиеш. Самырык-влак гын, кеч ик йочам йол ӱмбак шогалташ ыле манын шонат. Таче шагал ешын шуко икшывым ончен-кушташ кумылжо уло. Но кузе мемнан районысо демографий статистике ончыкта шуко шочшо йоча – тиде кокымшо икшыве.
Тиде арнян Краснохолмский селаште илыше Ирина ден Александр Ишманаевмыт шочшо ӱдырыштын икымше документшым налыныт. Тиде нунын кокымшо йочашт.
Шочмо нерген кагазым изи Анастасиян ачаж ден аважлан Калтаса ЗАГС пӧлка вуйлатыше И.В. Валеева кучыктыш.
– Тений аза шочмо нерген актышке визымше гана возена, – каласыш Ирина Владимировна. – Тыгай куан событий мемнан районышто шукырак лийже ыле.
Ирина ден Александр Ишманаевмыт Краснохолмский селаште илат. Ешым чумыреныт, Ксения ӱдырышт шочын, ипотеке дене пачерым налыныт. Тыглай самырык еш. Ирина – сурт озавате, Александр – вахте йӧн дене Екатеринбург олаште тырша. 6 январьыште нунын ешыште пиалан событий лийын – кокымшо ӱдыр шочын, лач тыгодым Александр пӧртыштӧ лийын. Ӱдырыштлан Анастасия лӱмым пуаш лийыныт.
– Эше йочам ышташ шонеда? – йодам мый вате-марий деч.
– Конешне, коктынат иканаште вашештат, вет йоча тиде – пиал.
Тек тиде ешыште пиал шукырак лиеш.
©1932 - 2024, Общественно- политическая газета Калтасинского района, учреждена Агенством по печати и средствам массовой информации Республики Башкортостан и ГУП РБ Издательский Дом "Республика Башкортостан"
Свидетельство о регистрации ПИ №ТУ02-01404 от 18 августа 2015 года. Главный редактор Акиев Виталий Аксяевич
Телефон
8(34779) 4-12-50
Электрон почто
Адрес
РБ, Калтасинский район, с.Калтасы, улица Пионерская, 7
Рекламе пӧлка
8(34779) 4-12-22
Редакций
8(34779) 4-12-44
Приемный
-
Пырля ыштымаш
8(34779) 4-11-95
Кадр пӧлка
8(34779) 4-12-22