Татьяна Геннадьевна - мемнан кокымшо авана

Тудо теве кумшо ий мемнан класс вуйлатышына улеш. Изи икшывына-влакым кидышт гыч кучен кугу шинчымаш корно дене наҥгая. Ты корно дене тудо ныл ий ошкылаш тӱҥалыт, шке ныжылгылыкше, моштымашыже, мастарлыкше дене наукылан, культурылан, кугу элнан ончыкылык гражданинжым туныкташ тӱҥалеш. А ныл ий гыч чылажат – у ару лаштык гыч тӱҥалеш. Тиде – тӱҥалтыш школым туныктышын пашаже.

Гайнуллина Татьяна Геннадьевна шкенжым образованийлан да икшыве-влакым туныктымо пашалан пуэн. Тений тудо шке юбилейжым палемда.

Татьяна Геннадьевна – уста, шке пашаштыже профессионал, ушан-шотан, талантан туныктышо улеш. Тудо тыгай койыш-шоктыш дене ойыртемалтеш: икшыве-влакым, шке пашажым йӧрата, чын, принципиальный, икшыве да нунын ача-аваштлан полышым ончыкташ кеч-кунамат ямде улеш. А пашам ыштыме ийлаште мыняр выпускникым луктын! Тудо икшыве-влаклан йолташ, наставник лияш тырша. Выпусникше-влак кызытат тудым йӧратат, пагалат.

Ме Татьяна Геннадьевналан шӱм гыч лекше таум каласена. Тудо жапшым, вийжым чаманыде мемнан изи икшывына-влаклан шинчымашым пуа, а нунышт илышыште моткоч кӱлешан улыт. А возаш, лудаш, шотлаш туныкташ мыняр чытымаш кӱлеш…

Татьяна Геннадьевна пеҥгыдын йодшан туныктышо улеш. Туге гынат переменыште да урок-влак деч вара тудо икшыве-влакын илышышт дене ила: нунын верч тургыжлана, ойгырта да кажныжлан шке шӱм-чон шокшыжым пуаш, полшаш тырша.