+12 °С
Йӱр
Все новости
Новости
11 Апрель 2020, 21:00
Алсу Мансуровна Хасанован уроклаштыже ӱшанымаш, чын лиймаш шӱлыш озалана
Мемнан школышто тудым грамотный туныктышо да сай психолог семын йӧратат да пагалат. Кумло ий утла тудо шкенжын чон шокшыжым йоча-влаклан пӧлекла да тений тудо шкенжын чапле юбилейжым палемда.
Молан школышто руш йылме ден литератур урок-влак кӱлыт? Кажне тунемшын руш йылмым палымаш айдемым грамотный, интеллегентный ышта манын вашешта да ончыкылык пашаштат тудо моткоч кӱлешан. А литературым палымаш айдемым кӧргӧ чонжо дене поян лияш, тургыжланаш, шонаш, шижаш туныкта. Конешне, школышто моло предмет-влакат кӱлешан улыт. Но таче ме тыланда 2 №-ан Краснохолмский кыдалаш школын руш йылме да литературым туныктышыжо Хасанова Алсу Мансуровна – талантан да ушан туныктышо нерген каласкалынена.
Мемнан школышто тудым грамотный туныктышо да сай психолог семын йӧратат да пагалат. Кумло ий утла тудо шкенжын чон шокшыжым йоча-влаклан пӧлекла да тений тудо шкенжын чапле юбилейжым палемда.
Шӱдӧ утла тунемшылан пеҥгыде шинчымашым пуаш мыняр йӧратымаш, вий, порылык, шинчымаш, тыршымаш кӱлын. Тудо кеч-кунамат иктаж-мом уым кычалеш, тунемеш.
Алсу Мансуровна Свердлов областьысе Серов олаште шочын. Ик жап гыч ешыже Башкирийыш илаш куснен. Изиж годымак Алсу туныктышо лияш шонен. 1 №-ан Краснохолмский кыдалаш школым тунем пытарымеке, Бирск оласе пединститутыш тунемаш пурен да 1990 ий гыч Кучаш кыдалаш школышто руш йылме ден литературым туныкташ тӱҥалын. 2000 ий гыч Алсу Мансуровна 2 №-ан Краснохолмский кыдалаш школышто тыршаш тӱҥалеш.
Тудо эре йомартле, поро улеш. Тудын пушкыдо йӱкшӧ, поро шинча ончалтышыже шкеж деке еҥ-влакым шупшеш да нунылан шкалан ӱшанаш вийым пуа. Алсу Мансуровна кеч-кунамат да кеч-кӧланат полыш кидым шуялташ ямде улеш. Педагогика аланышкат тудо шӱм-чон йодмыж почеш толын. Тудын паша принципше – самырык-влаклан келге шинчымашым пуаш.
Алсу Мансуровна кажне тунемшын вияҥмыжым текшыра, шкевуя пашам ышташ таратен шога. Урокышто кугу тӱткышым шкем текшырымашлан да шкалан оценкым шындымашлан ойыра. Алсу Мансуровнан эртарыме руш йылме дене урок-влак нигунамат йокрокын огыт эрте. Литератур урокышто тунемше-влак писатель-влакын илыш корнышт, мемнан да тӱнямбал литератур шедевр-влак дене палыме лийыт. Урокышто посна, ойыртемалтше – туныктышо ден тунемше коклаште икте-весым умылымаш – шӱлыш озалана.
Тудын тунемшыже-влак чӱчкыдын руш йылме да литератур дене школ, районышто эртарыме олипиадылаште участвоватлат да ончыл верлам налыт. Тиддеч посна почеламутым лудшо-влак конкурсышто участвоватлат, ОГЭ ден ЕГЭ-м сай сдаватлат. Вет туныктышо нуным экзаменлан шке вийже ден жапшым чаманыде пеш сай ямдыла.
Тудын тунемшыже-влак тӱрлӧ вере тыршат. Нунын коклаште врачшат, экономистшат, энергетикшат, банкиржат, бизнесменжат, чоҥышыжат, нефтяникшат, тыглай пашазыжат уло. Ятыр ий Алсу Мансуровна шке тунемшыже-влаклан оценкым шынден. Жап шуын – илышат тудлан поро шӱм-чонжылан, пашам тыршен ыштымыжлан да йоча-влакым йӧратымыжлан оценкым шында.
Тиде эре кеч-мом гынат уым кычалше, поэзийым йӧратыше айдеме. Тыгак тудо йӧратыше ава, поро кова, тыршыше ӱдыр, сай кумылан озавате, унаммытым вашлияш йӧратыше ӱдырамаш улеш. Шуко ий пашам тыршен ыштымыжлан Башкортостан Республикысе кугыжаныш Погын – Курултайын вуйлатышыже да Башкортостан Республикысе образований министерстве деч Тауштымашым налын. Но эн кугу награде – тиде йоча-влакын йӧратымашышт, пашам пырля ыштыме йолташ-влакын пагалымашышт да ача-ава-влакын тауштымашышт.
Эше Л.Н. Толстой каласен: «Туныктышо шке пашаж ден йоча-влакым йӧрата гын, тудо чын туныктышо улеш». Тиде мут-влак Хасанова Алсу Мансуровналан келшен толыт.
Шерге Алсу Мансуровна! Тек тендан педагогика талантда, поро шӱм-чонда тек кужу жаплан тунемше ден туныктышо-влаклан маяк гай лийын кодыт. Ме тыланда пеҥгыде тазалыкым, мучашдыме пиалым да чыла сайым гына тыланен кодына.
2 №-ан Краснохолмский КШ-ын коллективше.
©1932 - 2024, Общественно- политическая газета Калтасинского района, учреждена Агенством по печати и средствам массовой информации Республики Башкортостан и ГУП РБ Издательский Дом "Республика Башкортостан"
Свидетельство о регистрации ПИ №ТУ02-01404 от 18 августа 2015 года. Главный редактор Акиев Виталий Аксяевич
Телефон
8(34779) 4-12-50
Электрон почто
Адрес
РБ, Калтасинский район, с.Калтасы, улица Пионерская, 7
Рекламе пӧлка
8(34779) 4-12-22
Редакций
8(34779) 4-12-44
Приемный
-
Пырля ыштымаш
8(34779) 4-11-95
Кадр пӧлка
8(34779) 4-12-22