-3 °С
Пылан
Все новости
Новости
18 Сӱрем 2020, 20:55
Кинологлан пий – эн сай йолташ
Шуко рвезе изиж годым военный лияш шона. Краснохолмский села гыч Андрей Вотяковат военный лияш тыланен.
Шуко рвезе изиж годым военный лияш шона. Да ятырже шке шонымашкыже шуашак тырша да шке илышышжым армий дене кылда
Андрей Вотяковат военный лияш тыланен. Изиж годымак тудо пограничный институтыш тунамаш пураш шонен. Конешне, шонымашыже шукталтын, Андрей Северный Кавказыште служитла. Теве идалык ынде тудо кинолог улеш. Но чылажымат радам дене. Ме тудын дене 21 июньышто вашлийна. Лач тиде кечын Российысе кионолог-влак шкеныштын профессиональ пайремыштым палемдат.
Андрей Анатольевич Вотяков Краснохолмский селаште шочын. 3 №-ан Краснохолмский кыдалаш школым тунем лекмыж деч вара, тудым армий радамыш налыныт. Самырык призывник внутренний войскашке логалын. Срочный службым эртен пытарымеке, контрактым подписатлен. Стрелок, вара старший стрелок лийын служитлен. Икият пеле гыч сержант школым, младший командир-влак курсым тунем лектын.
2014 ийыште Северный Кавказыш, оперативный назначениян 46-шо бригадыш куснен. 2019 ий гыч, спецкурсым эртымеке, кинолог лийын. лач тидын нерген ме мутланенна.
– Андрей, изишак шке пиет нерген каласкале?
– Кызыт мыйын восточно-европейский овчарке Френсис. Тиде тукым пий мине-влакым кычалеш. Мый дечем ончыч вес кинолог лийын, тудо сулен налме канышыш каен. Мый пий дене эше сапер улмем годымак палыме ыльым. Вет сапер ден кинолог эре пырля пашам ыштат, – каласыш Андрей. – Ме Френсис дене вашке гына икте-весына деке тунем шуна.
– Служебный пий кандаш ий жапыште ӱшанле йолташ да полышкалыше лийын кодеш. Френсис мыняр ий службышто улеш?
– Френсис куд ий служитла. Айдеме семынак, пийынат организмже шоҥгемеш да паша качествыже ӱлышемеш. Мыйын ныл йолан йолташем взрывоопасный вещества ден предмет-влакым кычалеш. Кок ий гыч тудым сулен налме канышыш колтат. Конешне, Френсисым мый шке декем, Краснохолмский селашке, наҥгаем.
– Тудын воктене профессиональный настваник уке гын, ик служебный пият ончылан шындыме задачым шуктен ок керт. Тендан мо гыч Френсис дене паша кечыда кузе тӱҥалеш?
– Пий дене пашам чын ышташ – тиде тичмаш искусство. Паша кече пий ден кинологын эрденак тӱҥалеш. Эн ончыч прогулко, пийым пукшем, вара дрессировко. Дрессировкын кугу ужашыже физический подготовкылан ойыралтеш. Кинолог-влак кажне кечын пий дене кум километрым коштыт. Пийым кычалаш туныктыман.
– А Френсисын иктаж-могай сеҥымашыже уло мо?
– Конешне. Эше ончычсо озаж дене тудо тойымо патрон-влакым муын. Январьыште, инженерный разведкым эртарыме годым, маршрут мучаште гранотомет деч лӱйкалымашым муын. Пийын нерӱпышыжӧ пеш вичкыж, нуно ӱпшым тора гычак шижыт.
– Конешне. Эше ончычсо озаж дене тудо тойымо патрон-влакым муын. Январьыште, инженерный разведкым эртарыме годым, маршрут мучаште гранотомет деч лӱйкалымашым муын. Пийын нерӱпышыжӧ пеш вичкыж, нуно ӱпшым тора гычак шижыт.
Ныл йолан йолташыже нерген каласкалыме годым Андрейын «шинчаже йӱла», тудын нерген тудо шагат дене ойлен кертеш. Тудым колыштын умылет, кинолог тудын призванийже. Пий тудлан – чын йолташ, еш член, тудым нигунамат огеш кудалте. Службо жапыште нуно ойыраш лийдыме тичмаш, икманаш, кинологический расчетыш савырненыт.
Э. Мурсакаева.
©1932 - 2024, Общественно- политическая газета Калтасинского района, учреждена Агенством по печати и средствам массовой информации Республики Башкортостан и ГУП РБ Издательский Дом "Республика Башкортостан"
Свидетельство о регистрации ПИ №ТУ02-01404 от 18 августа 2015 года. Главный редактор Акиев Виталий Аксяевич
Телефон
8(34779) 4-12-50
Электрон почто
Адрес
РБ, Калтасинский район, с.Калтасы, улица Пионерская, 7
Рекламе пӧлка
8(34779) 4-12-22
Редакций
8(34779) 4-12-44
Приемный
-
Пырля ыштымаш
8(34779) 4-11-95
Кадр пӧлка
8(34779) 4-12-22