Шке пашажым йӧрата

1 №-ан Краснохолмский кыдалаш школын химий ден биологийым туныктышо Алевтина Константиновна Галиакбарова шке юбилейжым палемден

Тудо кӱшыл категориян химий ден биологийым туныктышо улеш. Химий – тиде неле, илыш деч мӱндыр да шӱлыкан предмет манмым, уло вий дене опровергатлаш тырша. Уста туныктышо семын тудо пала, химийын школ курсым илыш дене кылден туныкташ пайдалырак лиеш, икшывын логический мышленийжым формироватла. Алевтина Константиновна кажне икшывылан шинчымашым пуаш манын, мыняр вийым, чытымашым, шӱм-чон порылыкшым пуа. Таче тудын выпускнише-влак шке илышыштышт корным муыныт, кумдан палыме медицине, нефтяной, технический университет ден колледж-влакын студентше улыт. Тиде шукым ойла да пашажым «БР образованийын отличникше» знак дене палемдыме.

Туныктымо паша деч посна Алевтина Константиновна школышто латшым ий воспитательный пашам организоватлыме дене кугешнен кертеш. Организаторын пашаже куштылгак огыл. Чӱчкыдын у технологийым, проектым шымлаш перна. Тудо эрдене эр пашаш толеш да школ гыч пытартыш лектын кая.

Чыла нелылыкым сеҥаш тудлан ешыже – Анфис пелашыже, Гузель ӱдыржӧ, Санкт-Петербург университетын выпускницыже, полшат.

Алевтина Константиновналан тыланена пеҥгыде тазалыкым, йолгорно гай кужу ӱмырым, кече гай волгыдо да ласка илышым, еш пиалым, вуй ӱмбалныда канде кавам да чевер кечым. Тек йырда поро да ӱшанле еҥ-влак шукырак лийышт, нунылан эҥертен, пашада эре ушнен толжо.