-8 °С
Пылан
Все новости
Новости
1 шорыкйол 2021, 02:00
Калтаса районышто мошенник тўшка электросчетчикым алмашташ темлен коштеш
Редакцийыш лудшына-влак йыҥгыртат да ик йодышым пуат: мемнан районысо икмыняр ялыште электросчетчикым вашталташ темлыше еҥ-влак тўшка дене коштыт.
Тўҥ шотышто шке клиентыштлан нуно тугай пӧрт-влакым ойырен налыт, кушто шоҥгыеҥ-влак гына илат. Нуно шоҥгыеҥ-влакым счетчикда-влак тоштемыныт да нуным огыда вашталте гын, тыланда кугу штрафым тўлыкташ ыштат манын, лўдыктат. Тыге, кодшо арнян редакцийыш Кучаш, Савакмарий, Марий Пекшык гыч йыҥгыртеныт да тиде йодыш шотышто умыландараш йодыныт.
Тиде ситуацийым ме «Нур» ООО-н директоржо, Калтаса район муниципаль район Советын вуйлатышыже А.Г. Габдрахманов деч рашемдаш йодна:
– Электроэнергий учетым текшырыше приборын жапше лекмым мемнан районышто энергосбытовой компаний (ЭСКБ) терга, тудын номерже 4-17-95, а Краснохолмский селаште «Нур» ООО, тудын номерже 3-20-80.
Электросчетчикым вашталтыме годым тыланда вашталтыме нерген актым пуышаш улыт, тушто тошто да у счетчикын показательжым ончыктышаш улыт. Конешне, нунын пеленышт эше удостоверений да пашам шуктымо шотышто доверенность лийшаш.
Новости партнеров