Калтаса селасе «Сказка» йочасадышке коштшо йоча-влак пожарный-влак деке унала миеныт

Калтаса селасе «Сказка» йочасадыште пожарный безопасность месячникым эртарыме жапыште пожар профилактикым да лӱдыкшыдымылык ончылгоч кораҥдыме шотышто мероприятий-влак эртаралтыт. Тиде мутланымаш, модыш, сӱрет-влак конкурс, викторине, театрализованный представлений да случайым моделироватлымаш.

Ты кечылаште подготовительный группыш коштшо ӱдыр ден эрге-влак Калтаса селасе пожарный частьыш миеныт.

Нуным Нефтекамсысе межрайонный пӧлкан кугыжаныш инспекторжо С.С. Атналина вашлийын. Тудо пожарныйын пашаже, лӱдыкшыдымылык нерген ойлен. Икшыве-влак диспетчер службын паша нерген Р.В. Шаймарданован ойлымыжым тӱткын колыштыныт. А пожарный частьын пашаеҥже Р.Д. Шамсутдинов гаражыште, кушто пожарный машина-влак шогат, экскурсийым эртарен.

Ӱдыр ден эрге-влаклан лӱмын рукав дене тулым йӧртымым ончыктеныт. Тыгак спецвургемым писын чийымым ончыктеныт.

Икшыве-влак пожарный частьын пашаеҥже-влакын йодышыштлан вашештылыныт. Ты экскурсий нунылан кужу жаплан шарнымашеш кодеш манын ӱшанена.